1歲半女嬰肚痛狂喊！父母以為食滯險出事 醫生警告：延誤治療恐變癌！

1歲半女嬰腹痛哭鬧揭患罕見病肝功能嚴重受損

根據內地傳媒報導，深圳呢位化名婷婷嘅1歲半女嬰，早前突然腹痛難耐，不停大哭大鬧。家人起初以為只係普通消化不良，點知安撫極都無效，先急急腳將佢送入寶安區婦幼保健院。兒外科醫生檢查後，發現事情遠非腸胃炎咁簡單，診斷婷婷患上嘅係「先天性膽總管囊腫」！更嚴重嘅係，因為膽汁長期淤積，已經誘發膽管炎，導致肝功能受到嚴重損傷，情況相當危急！

醫生警告家長必睇出現3大症狀即時求醫勿當腸胃炎

事件曝光後，有醫生特別提醒廣大家長，小朋友腹痛可大可小，千萬不要輕易判斷為普通腸胃炎就算. 醫生鄭重警告，如果小朋友出現「反覆腹痛」，並且伴隨住「黃疸」同「濃茶色小便」呢3大關鍵症狀，就必須高度警惕可能係膽總管囊腫嘅先兆，應該立即求醫檢查。因為呢種病一旦延誤治療，後果不堪設想，有機會導致肝硬化，甚至惡化成膽管癌，到時就後悔莫及！

微創手術切除囊腫女嬰終康復順利出院

幸好婷婷及時獲得正確診斷，醫院先為佢進行禁食、靜脈注射同抗感染等治療，穩定咗腹痛情況。之後，醫生再為佢進行「經臍單孔腹腔鏡膽總管囊腫根治手術」，成功將病灶切除。經過一輪治療後，婷婷最終都康復過來，目前已經順利出院。今次事件真係為所有家長敲響警鐘，提醒大家要時刻留意小朋友身體發出嘅每一個信號！