怡園兩司機爆衝突！黑衣男手持水喉挑釁嗌「隻揪呀」網民鬧爆

黑衣司機手持水喉挑釁對手落車單挑

影片顯示，兩名男子在兩部私家車旁激烈爭吵，黑衣男一邊拿著噴水的水喉，一邊向淺藍衣男挑釁「X你老X，係就快，啡我呀，啡我呀」。當淺藍衣男上車關門後，黑衣男變本加厲，不斷爆粗叫囂「落嚟呀，隻揪呀」，左手的水喉更不時射向對方車身。雙方多次拉扯車門，黑衣男甚至大力拍打對方車門，整個過程持續數分鐘，場面極度混亂。

網民群起公審黑衣司機浪費食水兼狗仗人勢

事件曝光後，大批網民替淺藍衣司機不值，紛紛炮轟黑衣男的行為。有網民直斥「泰國潑水節咩，玩水」、「可以熄咗條水喉先嗎？」、「浪費食水／濫用供水」，質疑其浪費珍貴水資源。更有網民批評黑衣男「狗仗人勢」、「咁躁底做咩」、「係咁叫人落嚟落嚟，人哋落到嚟你咪又係唔敢打人，聲大大冇貨賣」，認為他只是虛張聲勢。不少網民更建議其老闆「炒咗條友」，直言「無家教」。

網民勸兩司機收火免口腫面腫收場

雖然大部分網民都批評黑衣男，但也有理性聲音認為兩人均有錯，「做司機就唔好搞咁多嘢啦」、「點勁咪又係司機，老細call喇仲唔走，遲咗咪又係俾人插」、「大家同位置打份工，老闆實望到」。有網民更幽默地表示「好期待當時老闆打嚟，語氣唔同晒：喂，老闆，係……，係……」。最終有網民勸兩人「收下火，忍一時氣，錢包不用俾官罰，亦不會口腫面腫收埸」，提醒大家理性處理糾紛。