中環隱世空中花園🌿米芝蓮星級主廚坐鎮🧑‍🍳1950年代復古電影風意菜🍽️

Apr 8 2026

想喺中環鬧市感受吓意式悠閒？呢間隱藏喺中環核心地帶嘅 SPIGA 絕對係驚喜之選！餐廳由設計師Joyce Wang打造，以1950年代意大利電影為設計靈感，復古燈飾配優雅裝潢，充滿格調🎬同時連接超寬敞嘅戶外平台，滿布翠綠植物，係中環少有嘅「秘密花園」，無論係食晏定係夜晚嘆杯Cocktail都勁Chill！✨

菜單由米芝蓮星級主廚 Enrico Bartolini 指導，主打現代意大利菜，將傳統風味以精緻手法重新演繹，賣相與味道兼備，仲加入即席料理元素，令成個用餐體驗更有儀式感✨

【🌟SPIGA 意式盛宴必試亮點🤤】
🥩Battuta di fassona, tartufo nero e tuorlo d’uovo (意大利生牛肉他他配黑松露及蛋黃醬)
儀式感滿分！職員即席推車到枱邊製作，黑松露現刨落嫩滑牛肉上，配埋蛋黃醬入口細膩順滑，香氣濃郁，係視覺與味覺嘅雙重享受！
🍝Chitarra ai ricci di mare (海膽手工弦線意粉)

自家製手工意粉質感非常煙韌，麵條掛滿濃郁海膽醬汁，極鮮甜，絕對係海膽愛好者嘅必食之選。
🥘Candele alla Genovese (那不勒斯風味燉牛肉通心粉)
同樣係即席製作，職員現場拌勻慢煮洋蔥肉醬，醬汁濃郁入味，完美包裹每條長通粉，帶來地道又溫暖嘅意式風味。

餐廳午市仲提供半自助餐，無論同同事輕鬆食飯，定係同另一半過特別日子都好合適🥳想體驗一場有質感又有氣氛嘅意式大餐？快啲約埋親朋好友一齊去呢個空中花園放鬆吓啦！🏃‍♂️💨
💳而家用指定中銀或恒生信用卡付款仲有驚喜9折優惠啊！🤩
—
📍SPIGA：中環皇后大道中31號陸海通大廈3樓