電視城內｜歐瑞偉自爆轉型辛酸史！曾被攝影師鬧爆：「不如返去耕田」
KC親述武師生涯 「搵命搏先係超人」
在成為演員前，歐瑞偉是一名專業武師，他形容這份工作是「搵命搏」。他坦言：「做武師，無事咪無事囉！有事嘅,唔識講…搵命搏架其實。」但他同時享受完成高難度動作後的滿足感：「武師好奇怪架，要你做，就一定要做到，當然喺合理情況下啦。做到之後你會覺得好開心，覺得自己係超人。」這份追求完美的專業精神，也讓他轉型演員後，仍堅持親身上陣，他解釋：「自己親身做動作真實感大好多。」
KC憶述轉型被辱 「你點做演員㗎」
歐瑞偉坦言，從武師轉型為演員的過程絕不容易，更曾因演技問題而遭受公開羞辱。他憶述：「因為我係武師，我唔識做戲，我行位都唔識，我就畀攝影師鬧。」當時該名攝影師毫不留情地對他破口大罵，拋下一句極具侮辱性的說話：「『其實你點做演員㗎？你咁樣不如返去耕田啦！』」這番話對當時還是新人的他造成極大打擊。
入行獲張國榮關照 暖心一摸勁難忘
雖然轉型初期受盡白眼，但歐瑞偉亦遇過溫暖。他憶述入行初次擔任替身，就是為巨星張國榮（哥哥）在劇集《武林世家》演出。當時哥哥不但沒有巨星架子，更對他這位新人關懷備至。他難忘地說：「張國榮真係好好人，因為嗰場要撻落嚟，佢一直問我墊好 Pad 未…後來佢仲係唔放心過嚟再摸一摸我。」這份來自巨星的溫柔，與攝影師的刻薄形成強烈對比，成為他演藝路上的一股暖流。
網民力撐KC爺 「鬧佢嗰個攝影師出嚟」
這段辛酸史曝光後，網民紛紛為歐瑞偉抱不平，並力撐他多年來的努力。不少留言都充滿支持：「估唔到KC爺有咁嘅過去，好勵志！」、「而家鬧人嗰個攝影師去咗邊？KC爺用實力證明自己！」、「『不如返去耕田』呢句真係好hurt…好彩佢冇放棄。」、「武師轉演員真係唔易，冇演技底，但佢一步步做到家傳戶曉，好勁。」、「證明英雄莫問出處，肯努力就得！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
