【CHARGESPOT 聯乘小熊維尼】隨機捕捉復活彩蛋 有機會獲得叉電器優惠券！

與小熊維尼一齊帶開啟尋蛋之旅！

為迎接春日佳節，CHARGESPOT將於2026年4月1日至4月30日期間，舉行「CHARGESPOT Easter Hunt活動，誠邀迪士尼經典角色小熊維尼與大家共度充滿樂趣嘅復活節。活動將會分為兩大階段，大家可以喺參加「尋蛋有賞」小遊戲，贏取優惠券；仲有機會借用到可愛嘅限定小熊維尼主題充電器，等大家喺「叉電」嘅同時都可以獲得突如其來嘅小驚喜！

第一彈：成功尋蛋 即可獲得驚喜禮物！

想率先感受復活節嘅尋蛋樂趣？喺4月1日至4月7日期間，CHARGESPOT 已經靜靜咁將全港100部租借站搖身一變成為「復活節彩蛋站」！到時機器上面嘅螢幕會播放復活節活動主題影像，仲有隱藏咗2,000份復活禮物喺入面啦！

大家只需跟隨以下簡單步驟，即有機會輕鬆獲取復活節春日獎賞！

第一步：打開CHARGESPOT App，喺地圖上尋找特別嘅「復活節彩蛋」圖標，搵出「復活節彩蛋站」位置

第二步：成功找到「復活節彩蛋站」位置，觀看租借站螢幕播放嘅復活節小熊維尼主題影像。

第三步：當影像播放時，畫面將會隨機出現一個專屬嘅「驚喜」QR Code。

第四步：打開 CHARGESPOT App內嘅掃描器，並掃描該QR Code。

第五站：成功「破蛋」的話，將會獲得一張CHARGESPOT租借優惠券，等大家嘅手機隨時補充電力。

快啲約埋朋友一齊去尋蛋，努力獲得贏取禮物嘅機會啦～試得越多，獲得獎品嘅機會自然越高！

第二彈：隨機捕獲！4款限定小熊維尼主題充電器

將小熊維尼嘅可愛繼續延續落去！今次嘅限定版叉電器一共有4款唔同嘅設計，小熊維尼伴隨色彩繽紛嘅彩蛋、花朵及佢自己最鍾意嘅蜂蜜，陪大家度過一個暖洋洋嘅春天！每一款設計都非常精緻可愛，仲可以一次過見埋小熊維尼同佢嘅朋友們，春日氣氛滿滿！

而且呢1,000個復活節限定版小熊維尼主題叉電器係隨機放置喺全港各區租借站內，大家隨時隨地都有機會「捕獲」到呢份意外驚喜㗎！

立即創造你的春日小確幸！

好想即刻同小熊維尼驚喜見面？就記得喺CHARGESPOT App內尋找唔同嘅復活節彩蛋，並嘗試野生捕獲「小熊維尼」與好友嘅蹤影啦～

CHARGESPOT聯乘小熊維尼 復活節破蛋冒險

活動日期：2026年4月1日 至 4月30日

*優惠券數量有限，先到先得，送完即止。

*活動受相關條款及細則約束。

(Presented by CHARGESPOT）