住私樓港媽想幫18歲仔抽居屋｜欲加名揀大單位 網民狂轟貪得無厭
港媽網上發問抽居屋攻略
該名港媽在facebook群組「公屋討論區 – 香港facebook群組」發文詢問，表示自己曾與丈夫購買居屋，但在20年前已經賣出，現時居住在登記於丈夫名下的私樓。由於兒子快將18歲，她開始為兒子將來成家立室作準備，希望能夠抽中居屋。港媽在帖文中詢問應該以兒子一人名義申請，還是加入自己的名字作為兩人家庭申請，因為希望能夠選擇面積較大的單位供兒子將來成家之用。她更進一步考慮是否應該同時排公屋作為兩手準備，務求為兒子爭取最大的房屋福利。
網民狂轟貪得無厭霸佔資源
帖文一出立即引來大批網民抨擊，紛紛斥責港媽貪心。有網民直言「又想呃多層公屋」、「貪得無厭！留返啲資源畀真係有需要嘅人啦！」更有網民激動表示「公屋係畀有迫切住屋需求的低收入人士的基本生活保障嚟㗎！咁有錢仲要乞丐兜度攞飯食，正X街！」不少網民指出港媽明明已有私樓居住，卻仍想計劃幫兒子抽居屋及排公屋，認為這是福利重疊的行為。有網民提醒「你做家庭成員去抽都冇資格，夫妻資產不能分開計算」、「層樓係老公名，要淨身出戶先可以同阿仔去申請居屋」。
港媽反駁指兒子有申請權利
面對網民的批評聲音，港媽隨即反駁指兒子是香港人，「只要資產合資格，就係名正言順嘅申請，點解你用個『呃』字？」她解釋有此計劃的原因，表示「我自己有樓，佢第日結婚生仔，我間屋都唔夠住，佢唔可以有自己嘅屋咩？」港媽更進一步表示即使自己有錢在手，也不一定要幫兒子付錢買樓，「就算我有錢喺手，都唔一定係要幫佢畀錢買樓啊，我都要留返嚟自己養老」。她認為為兒子申請公共房屋是合理的規劃，並非如網民所指的「呃公屋」行為。
網民建議兒子獨立申請毋須過分擔心
有網民建議港媽毋須過分擔心兒子將來的住屋問題，應該放手讓兒子自行規劃人生。「你個仔又未結婚，你擔心佢無屋住？等佢結婚佢自己有分數啦！」有網民更直言「仔18歲排公屋排到50歲都未必夠分，做咩要搵公屋入息綁住個仔呢，將來搵得多又白排，睇死佢一世都買唔到樓咩」。另有熱心網民認真建議港媽勿加名，可讓兒子單獨申請，「你兒子可以單獨申請公屋再抽居屋」、「可以先幫阿仔排咗單人先，佢婚後可以加名再排家庭隊咁樣就快好多。當年我18歲就排單人，之前加名就3年有派樓了！」
