港女遊日強扯櫻花自拍5分鐘｜網民瘋傳砲轟：「自私至極」

港婦強扯櫻花樹枝持續5分鐘

有港男在threads帳號「eric_dbb」發帖公審，指在日本東京街頭直擊一名疑似港人女子的失禮行為。樓主表示，該名身穿灰色上衣、淺藍色牛仔褲的女子站在櫻花樹下，為了調整到合適的自拍角度，竟然將樹枝強行拉下。從拍攝的影片可見，女子初時輕輕將樹枝拉下，對著手機「嘟嘴」自拍，其後更轉至另一棵櫻花樹下，直接將長長的樹枝強行拉下打卡拍照。樓主透露女子的強扯行為持續至少5分鐘，期間聽到她用廣東話向同行兒子表示「阿仔等我一陣，我要影吓相先」。明顯可見樹枝頭部受力彎曲，與旁邊夫婦只是有禮地站在樹下拍照形成強烈對比。

目擊港男語帶嘲諷公開譴責

樓主向傳媒表示，由於現場不少人都專注拍攝櫻花，所以未見有人上前提醒制止該名女子的行為。他看不過眼於是拍下照片和影片公審，更語帶嘲諷稱「香港人影櫻花有一手」。從影片中可以清楚看到，女子完全無視櫻花樹的受損情況，只顧著調整最佳拍攝角度。樓主特別強調聽到女子講廣東話，確認其港人身份後決定公開事件，希望提醒其他港人外遊時要注意形象。

網民狠批行為缺德影衰港人

事件曝光後引來大量網民批評，紛紛指責女子行為缺德。有網民留言表示「賞櫻唔上手掂係基本知識嚟」、「唔夠高就去第二度影，何必扯落嚟？」、「得嗰兩粒花仔都要咁肉酸」。更有人擔心樹枝受損，留言「個個咁拉好快斷」、「本身想講輕輕扯下無嘢啦，原來條友完全拉落嚟」。不少網民都認為女子的行為「影衰港人」，批評「咁樣扯花唔見得會影得好睇啲，反而顯得你人格更低廉」。

港人外遊失禮行為頻現

事件亦引來不少人分享外遊時曾目睹港人各種失禮行為的經歷。有網民留言「試過好多次，中年港女企喺鳥居位霸住無限自拍，後面成村人等緊，連佢老公都忍唔住出聲問佢影完未」。另有人分享「上年年尾去東京睇銀杏，喺代代木公園又係幾個香港女人扯甩啲銀杏葉嚟影相」，更有網民表示曾見過「有啲香港人直程搖幾枝櫻花樹枝，營造櫻吹雪再影相」。不少留言都感嘆港人質素每況愈下，「香港人去旅行係好放肆」。惟有部份意見覺得女子行為無傷大雅，認為「輕輕拎住無整爛，又無摘同搖啲花」，「雖然唔啱，但比起大力搖棵樹，製造落花效果嚟影相，好太多了」。