深水埗麥當勞母女大戰特賣城職員 SEN女兒嚎哭護母 結局惹網民熱議

麥當勞門外爆激戰　母女齊上陣對戰特賣城職員

事發於昨日（17日）下午4時48分，深水埗欽州街和福華街交界的麥當勞甜品站突然傳出爭吵聲。根據網上流傳的4分鐘影片顯示，穿著連身裙的女子與身穿印有「深水埗電子特賣城」字眼黃色背心的女職員在店外行人路激烈纏鬥。
期間連身裙女子當時已有一隻鞋子飛脫，但仍繼續與對方扭打，完全沒有理會站在一旁穿著淺藍色衫的女兒。期間黃色背心女子更扯住連身裙女子的頭髮，將她重重摔跌在地上，眼鏡當場甩脫。連身裙女子起身後沒有理會另一隻鞋子同樣鬆脫，以及環保袋散落地上，立即上前還擊。

女兒嚎哭護母 背囊環保袋齊上陣

打鬥過程中，連身裙女子的女兒見母親被欺負，立即就地取材用背囊和環保袋向黃色背心女子攻擊，期間更懷疑受驚過度而狂哭不止。黃色背心女子質問「排唔排隊呀？」，連身裙女子一邊還手一邊反駁「我排緊隊，兩母女喺度」，並將對方的特賣城背心扯脫。其他途人、麥當勞職員和背心女子的特賣城同事先後走近現場，不斷勸阻「唔好打架」，黃色背心女子才開始停手。然而連身裙女子沒有理會女兒的哭聲，反而繼續踢向背心女子並不停謾罵。

警方接報到場 案件列為糾紛處理

警方表示，昨日下午4時48分接獲一名41歲張姓女子報案，聲稱自己在欽州街78號一間食肆排隊期間，被一名60歲陳姓女子指插隊，兩人繼而發生爭執。報案人聲稱遭到襲擊，警員接報趕至現場時已回復平靜，無人受傷亦無人被捕。案件最終改列為「糾紛」處理。影片最後可見，黃色背心女子聲稱自己受傷需要召救護車，而連身裙女子則要求報警，指控對方先動手，並聲言麥當勞「有閉路電視」可以佐證整個過程。
不過， 部分網民質疑「打到咁都只係糾紛」、「公眾地方打架wor?!」，有人回應指「冇受傷就得，問佢哋和唔和解，唔肯兩個都告」。

網民熱議誰是誰非 街坊關注SEN女兒

相關影片被上載至社交平台後迅速瘋傳，網民對事件議論紛紛，「排隊都可以打成咁，香港人壓力真係好大」，亦有人質疑「到底邊個先插隊？影片睇唔出真相」。部分網民則關注淺藍色衫女兒的心理創傷，有街坊指出她是有特殊學習需要（SEN）的女孩子，「呢兩母女我見過，我返糖水舖返工嘅時候佢哋有嚟過舖頭食糖水，我行埋去同佢哋落單嘅時候，佢哋都好有禮貌架 中間係咪有啲咩誤會？ 母親都係為咗保護自己個女。」、「個女仔喊成咁，大人打架小朋友最無辜」、「就算嗰兩母女真係唔排隊，你啱曬都好，但人哋個女明顯智力有問題，又何必為咗買杯雪糕而同佢哋計較，甚至打架呢… 」、「個女仲要嘗試幫阿媽之後無措到喊心痛both母親&女兒…..」

有網民兩邊都唔幫：食遲雪糕一陣唔使死

此外，其他網民認為「不能評論咁多。事實眼見兩邊都係咁互相毆鬥，兩邊都唔好得去邊 」 、「其實著住制服就唔好搞咁多野啦」、「有咩事唔可以好好講，一定要動手？」、「杯雪糕食遲一陣會死咩，咪讓下人囉，使唔使咁樣打人呀，欺負弱智人士，不知所謂」、「點解可以咁多人模糊焦點 1. 唔排隊一定唔啱，唔好同我講乜X野食遲一陣使死。唔使死，但睇唔過眼呢種行為。你排隊更加唔使死，應份。2. 打交唔知邊個郁手先，黃衫郁先都理虧，呀媽郁先就更加垃圾。之所以呀媽被人打到瞓低純粹戰鬥力問題。雙方都有份郁手。到有人出黎調解呀媽仲偷補左幾下。3. 好多人轉移焦點話咁樣蝦緊弱智人士?黃衫掂都無掂過個女仔啵。甚至被個女仔打都無還拖，從來都係打佢呀媽咋喎。咁樣可以被你地夾硬扯成蝦弱勢人士?即係點?帶個弱勢人士出街就可以打橫行?有咩事就牽扯到蝦弱勢？條片資訊有限廢事跟太貼，話唔定只係誤會無人打尖，純粹覺得好多人模糊焦點好有問題」