【西九週末好去處】香港工程師學會50週年「同心同創」嘉年華！免費玩互動攤位+科技新體驗

寓學習於娛樂！逾40個互動攤位 體驗尖端新科技

唔少人都認為與「工程」相關嘅資訊，可能會有啲沉悶或複雜？而今次嘅嘉年華將會扭轉大家一直以來嘅既定印象！現場設有超過40個互動攤位，涵蓋多個工程專業界別，以生動有趣的方式，將各式各樣嘅工程項目與前沿技術呈現於大家眼前！仲可以俾小朋友親自動手，體驗成為「小小工程師」嘅樂趣！

當中具有特色及必玩嘅攤位，包括有：超真實嘅VR體驗同無人機飛行模擬器、排水機械人「龍吸水」、趣味性超高機械人及機械狗示範、多個模型展示器等，保證可以令大家玩到樂而忘返！仲可以啟發參加者對工程與科技嘅好奇心，同時獲得實用嘅工程小知識，喺生活中學以致用。

同場加映！《工程傳奇》展覽 一齊回顧香港輝煌成就

其實2025年亦係香港工程師學會成立50周年，因此活動中亦特設《工程傳奇：五十載卓越成就》巡迴展覽！展覽將會展出19個榮獲「50周年傳奇大獎」嘅優秀工程項目，帶領大家回顧香港過去數十年來嘅卓越工程成就。由日常使用嘅基建到各項大型建設，以上嘅項目都足以見證住香港發展，並了解如何對社會帶來深遠嘅影響！

精彩舞台節目+打卡位 通通都滿足到！

話明係慶祝學會成立50周年嘅嘉年華，當然唔少得充滿活力嘅現場表演啦！到時將會有歌唱、舞蹈及啦啦隊表演，氣氛夠晒high！仲會有年輕工程師現身分享，等大家更深入了解工程行業。

場內亦設有多個特色打卡位，俾大家拍照留念，收穫滿滿嘅回憶！

探究新一代理想城市面貌 了解創新思維

此外，學會早前亦舉辦咗以可持續創新城市為主題嘅「同心同創」校園比賽；屆時比賽嘅頒獎禮亦將於活動中舉辦，並展出小學、中學及大專組別嘅得獎作品，到時候大家都可以睇吓新一代對理想城市環境嘅諗法。

咁多豐富又精彩嘅活動，大家又點可以錯過呢！記得mark實以下日期時間啦！

香港工程師學會50周年「同心同創」嘉年華

日期：2026年3月14日至3月15日

地點：西九文化區藝術公園高草坪

時間：10am – 6pm

免費入場

(由香港工程師學會提供）