上環新開三層高精品茶飲店！必飲會上癮凍檸茶＋茶味料理
廣告
香港人愈來愈鍾意飲茶，繼之前嘅大型茶文化市集，最近又有新蒲點！全新三層高的精品茶概念店「離念茶蒔」正式登陸上環，集齊特色茶飲、精緻陶器茶具 、以茶入饌的美食和茶藝文化活動，喺上環呢個茶文化重地，為大家帶嚟不一樣的品茶體驗，各位茶迷準備去朝聖吧！
上環新開三層高精品茶飲店！
必試首創的「Floating Dir-Tea 浮‧鴛鴦」系列，將Espresso倒落茶底燕麥奶，層次分明；檸茶控就要試「會上癮的凍檸茶」，用雪片梨香單叢拼炭焙鐵觀音做茶底，加埋油柑、檸檬同柑桔仔，真係會飲上癮！另外仲有同本地老字號茶行合作的On Tap冷萃茶，今期有林奇苑茶行的鐵觀音同福華茶行普洱，每次嚟都有驚喜。
在 Instagram 查看這則貼文新假期 Weekend Weekly（@weekendweekly）分享的貼文
以茶入饌料理+大白兔糖曲奇
一樓餐廳食物全部以茶入饌，主菜亮點是「頭春六堡蔘香雞」，用頭春六堡熟茶、野山蔘等滷水煮三黃雞，雞肉嫩滑，茶香同蔘香完美結合！大家記得要逛埋地下的選物店，除咗自家品牌的茶餅禮盒，仲有精緻茶具同陶泥飾品。店家仲同糕餅品牌Between Haru合作，推出「大白兔糖曲奇」同「櫻花蝦乾雪球曲奇」，買嚟做手信一流！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：官方圖片資料或影片來源：「新假期官方IG」
