【炮製日本米究極攻略】 在家都能煮出飽滿飯粒秘訣 + 推介中環隱世食店必食餐點！

馬上去片先！

星級導師教路！2大秘訣煮出神級口感日本米

難得買咗包日本米，如果因為唔熟手煮得太硬或太軟就可惜！作為新手嘅你，就要睇睇由星級導師 Margaret Fu 親授嘅竅門！只要掌握以下幾個小技巧，大家都可以喺屋企享受到更出色同好味嘅日本產米㗎～

必學技巧 ：浸米＋燜煮飯

想煮出鬆軟飽滿嘅日本產米？秘訣就係要預先俾水份滲透入米芯！洗好米後只要將米浸泡一段時間，煮出嚟嘅飯就唔會外軟內硬，口感更佳。

另外仲有一點，白飯煮好後，千祈唔好即刻打開電飯煲！利用電飯煲嘅餘溫再燜大約 10 分鐘，可以令米飯吸收水蒸氣，飯粒更晶瑩剔透，飽滿感覺Get！

想知點樣先煮得好日本產米？快啲check下日本產米美味煮法！

必學的Home Party零失敗食譜！豪華三色稻荷壽司

學識咗點樣煮好日本產米之後，緊係要學返一道拿手好餸啦！JFOODO 今次推介大家試整「豪華三色稻荷壽司」，做法簡單，外貌同味道都兼備！無論係用嚟開 Party 定係為家人整便當，都一定鍾意！
一睇學識三色稻荷壽司做法！

大家可以cap 定以下呢張圖，等自己隨時隨地都可以重溫煮飯技巧！仲可以開心share埋俾身邊嘅家人朋友㗎～

識食認證！解構日本產米「木札」認證

有時返工返學太攰懶得自己煮？或者同屋企人、朋友出街約會都想品嚐到日本米？教大家一個秘技，保證可以食到真正嘅日本產米，就係記得認住呢個木牌！

平時出街食日本嘢，有冇留意過餐廳有冇掛住一個寫上「日本產米使用」嘅木牌？呢啲木牌係用左「日本認定團體」嘅標誌，代表「日本產米使用店舖」嘅認證！只要見到呢個木牌，就代表該舖頭係用緊正宗日本產米，信心認證，食物質素自然更加有保證！以後想食好嘢，就要認住呢個標記喇！

好店不私藏！中環人氣居酒屋：SAKABA MASAKA

率先為各位推介一間有使用木牌認證嘅小店先：位於中環嘅人氣店 SAKABA MASAKA！如果Happy Friday約咗班朋友聚會，就要試吓呢間由日本人主理嘅博多壽司酒場，好好chill吓啦～餐廳主打用日本米製作唔同款式嘅壽司，由經典到創意料理都應有盡有，選擇夠晒多元化！

不得不提當中必食嘅名物！招牌菜「Nokke Sushi (のっけ寿司)」：師傅會喺滿滿嘅吞拿魚蓉上面，鋪滿大量三文魚子，份量超澎湃，食之前一定要打卡先！

想一次過嚐盡唔同刺身或壽司？就一定要點「豐富壽司拼盤」有齊經典嘅「8貫 / 5貫拼盤」，亦可以按個人口味選擇人氣款式或火炙壽司。就算未夠喉，都可以單點各款壽司、卷物，種類十分齊全。

當然唔少得試埋店內種種「創意Menu」！

特別優惠情報！開店一週年紀念優惠

有好嘢緊係要齊齊分享！原來3月3號就係 SAKABA MASAKA 開店一週年嘅大日子！當日餐廳將會舉行 「1st Anniversary Party」，而且壽司 Menu 仲會有特別優惠添！想用至抵價錢試到高品質嘅日本米壽司，就即刻mark 實日子去餐廳好好慶祝啦！

SAKABA MASAKA

• 地址：中環善慶街2號地下 (G/F, 2 Shin Hing Street, Central, Hong Kong)
• Instagram：@sakabamasaka
• OpenRice：SAKABA MASAKA

用日本米獲得幸福小確幸
只要用心煮好一碗飯，或者出街品嚐到用靚米煮嘅料理，就能為你嘅日常增添幸福感！立即帶埋家人朋友齊齊感受日本米嘅真正魅力啦！
了解更多：JAPAN RICE官網 https://myjapanrice.com/zh/

(Presented by JFOODO)