的士司機載甩骹乘客赴醫院｜女保安1句話震驚全網

的士司機好心載傷者　距離急症室不足5米被截停

該名的士司機在社交平台threads分享經歷，表示前日接載一名乘客，對方手臂明顯脫臼，「痛到面青青」。司機立即載同對方前往最近的醫院急症室，考慮到傷者行動不便，特意想駛近入口讓乘客方便下車。豈料當的士駛至距離急症室入口不足5米的位置時，即被一名女保安截停，對方明確表示「呢度唔可以落客㗎」。司機耐心解釋情況，強調「我個客人隻手斷咗，我放低佢就走㗎啦」，希望保安能夠通融。

女保安冷血回應震驚司機　缺乏同理心言論瘋傳

面對司機的合理要求，女保安不但沒有表現出應有的同理心，反而望向傷者說出令人震驚的話：「佢隻手斷咗啫，又唔係隻腳斷咗？佢行到過去㗎嘛？」這句話讓司機當場無言以對，只能向客人苦笑說「咁你喺度俾錢我啦」。幸好現場另一名保安見狀，主動示意司機可以駛到門口，讓受傷乘客順利下車求醫。司機事後慨嘆「嗰一刻真係覺得，世上有啲『規矩』，原來係可以咁離地」，對於保安的冷漠態度感到不解。

網民群起批評保安離地　質疑缺乏基本人性關懷

事件在網上曝光後，立即引來大量網民留言批評。不少人認為問題不在於規矩本身，而是執行者的態度，留言指「唔係規矩離地，係個人離地」、「規矩係死，人係生」、「啲人無晒常識，只係依本子辦事」。有網民更直言保安「唔識變通」、「有好多保安都係揸住雞毛當令箭」，批評對方缺乏基本的人性關懷。部分網民亦分享類似經驗，表示曾經遇過「落咗車都叫病人上返車」的情況，反映這類缺乏彈性的執法態度並非個別事件。