【2026玩樂推介】馬年別注版博物館通行證！玩盡康文署博物館＋歎盡獨家優惠

「馬年別注版」登場！兩款限定設計極具收藏價值

「馬年別注版」博物館通行證有兩款設計，同樣吸引！第一款就取材已故當代藝術家麥顯揚嘅作品《馬與影II》，透過兩匹奔馬嘅交錯重疊，呈現現實同幻象嘅交錯視覺效果，設計獨特又有深度，別具收藏價值！

另一款則有康文署嘅人氣角色「活力仔」同「思文喵」換上得意嘅新年服飾，同大家拜個早年，夠晒應節，小朋友見到一定會愛不惜手！

溫馨提提大家！呢兩款馬年別注版設計只適用於實體證，現正喺香港藝術館、香港歷史博物館等7間指定博物館熱賣中，數量有限，售完即止，想收藏就要快手喇！

一年無限暢遊博物館＋藝術空間！

擁有咗呢張通行證後，就可以由簽發日起計12個月內，免費參觀康文署轄下15間博物館同2個藝術空間*，包括常設及專題展覽，真係超方便！以後去科學館同太空館可以慳返排隊買飛嘅時間，拎住張證就可以入場！

為各位推介：香港科學館嘅「臻至完美：運動與科學的交匯」專題展覽（展出至2月25日），有超過20組互動展品，可以一次過體驗晒欖球、劍擊、高爾夫球等運動，憑證就可以玩幾多次都得！

另外，憑證報名參加博物館主辦嘅活動，仲可享九折優惠㗎！（*參加活動費用倘為優惠價錢，則不能享受此優惠。）
*15間博物館及2個藝術空間：
香港藝術館、香港文化博物館、香港歷史博物館、香港科學館、香港太空館、香港抗戰及海防博物館、孫中山紀念館、茶具文物館、香港鐵路博物館、葛量洪號滅火輪展覽館、羅屋民俗館、李鄭屋漢墓博物館、上窰民俗文物館、香港電影資料館、香港非物質文化遺產中心（三棟屋博物館）；油街實現、香港視覺藝術中心

尊享最新飲食優惠！

除咗參觀不同展覽之外，博物館通行證持有人更可於以下康文署表演場地及圖書館餐廳消費獲得優惠或贈品：

東九文化中心

心心念念：
單點菜單享88折；或消費滿$400，即可免費獲贈Tiramisu乙份

春季限定（優惠期至3月22日）

香港大會堂

#bistrocity（城中館子）：
主餐牌食品享85折（2月12至23日除外）
MUSES：
享95折優惠

高山劇場

康姨小廚：
每位顧客都可以免費獲得糕品乙份
高山文化咖啡廳：
享9折優惠

沙田大會堂

咖啡因事務所：
享9折優惠

香港中央圖書館

Délifrance：
購買正價貨品並消費滿$100，即可享9折優惠（至2月22日）

解鎖更多博物館展覽！博物館夥伴優惠

除咗上述所提及過嘅博物館之外，喺優惠期內憑博物館通行證仲可以獲得以下博物館嘅入場優惠㗎！一年睇晒唔同展覽不是夢～
古魏博物館
-用優惠價$30購買標準門票，逢星期六、日可享免費入場
-於咖啡店「雙茗匯」消費或租用場地，享9折優惠

-禮品廊購物享9折優惠
-參加教育活動享9折，二或三人同行享85折，四人或以上享8折優惠

香港海事博物館：
購買成人門票，可享半價優惠

一新美術館：
於一新美術館咖啡室、禮品店消費，可獲95折

六廠紡織文化藝術館：
於南豐紗廠CHAT六廠小店購物，可享95折

加碼！主題樂園門票+睇show都有優惠！

以為張證只係限於睇睇展覽？通行證尊享優惠多到你唔信！除咗橫跨餐飲、購物之外，就連主題樂園同藝術表演都涵蓋埋，真係一張證滿足你N個願望啦！
一家大細每年必去嘅兩大主題樂園～即日起至2026年8月31日，購買海洋公園全年會籍即享9折；以正價購買迪士尼樂園任何類型嘅標準、小童、學生及長者「奇妙處處通」會籍，亦分別有折扣，高達$70！
平時鍾意睇表演或聽音樂療癒心靈，都千祈唔可以錯過以下優惠呀！喺城市售票網售票處購買指定香港管弦樂團、香港小交響樂團2025/26樂季節目正價門票可享9折優惠！
另外，購買以下「香港舞蹈團」大型舞台演出正價門票都有9折，而且喺表演場地購買周邊商品都會有優惠㗎！

– 香港舞蹈團原創選粹《跡》| 2026年3月6-8日｜沙田大會堂演奏廳

– 大型舞蹈詩《之間—吳冠中水墨行》| 2026年5月22-24日｜香港文化中心大劇院

– 合家歡音樂舞劇《熊貓大同萌》| 2026年8月8-9日及15-16日｜香港文化中心大劇院

*以上優惠均受條款及細則約束，詳情請到官網查閱。
**溫馨小提示：於城市售票網售票處購票時，記得出示有效之實體/電子博物館通行證，先可以享用優惠！

為參觀博物館劃上完美句號！

參觀完博物館之後，當然唔少得買吓紀念品同喺裡面嘅餐廳醫醫肚啦！凡於博物館內嘅禮品店或書店購買由康文署製作之刊物及紀念品可享9折（孫中山紀念館、香港抗戰及海防博物館除外）！而且喺以下博物館餐廳消費都有折扣，尤其鯉魚門同維港海景配美食，氣氛一流～

牧羊少年咖啡館（香港文化博物館）：
可享9折優惠

康姨咖啡室（香港抗戰及海防博物館）：
可享9折優惠

MoA Dining（香港藝術館）：
透過指定連結登記訂位，可以9折享用午市套餐、週末早午餐、下午茶、酒吧小食；85折享用晚餐單點菜單

博物館通行證
使用期限：由簽發日期起12個月內
門票種類：
家庭通行證（適用於最多4人，必須為親屬）：$100
個人通行證：$50
優惠通行證（適用於全日制學生、殘疾人士、60 歲或以上高齡人士）：$25
購買詳情：https://www.museums.gov.hk/tc/web/portal/museum-pass-exclusive-offers.html

欲免向隅，請向個別博物館查詢通行證銷售情況

(Presented by LCSD)