大埔人氣cafe「Triple」梳乎厘班戟小店！岩燒焦糖瀑布梳乎厘＋芝士開心果
廣告
大埔人氣cafe Triple最近在同區開咗間梳乎厘班戟小店，主打超過10款口味梳乎厘班戟，包括岩燒焦糖瀑布、芝士開心果、泰式珍珠奶茶、黑芝麻口味等，即叫即整口感鬆軟又綿密。除了梳乎厘班戟，店內仲有自家製蛋糕 、蛋撻咖啡、芝士開心果咖啡，甜品迷一定要試齊佢！
大埔人氣cafe「Triple」梳乎厘班戟小店！
大埔區近年甜品選擇越嚟越多，其中人氣cafe「Triple Coffee & Sweets」新開一間梳乎厘班戟專門店，主打超過10款日式梳乎厘班戟，即叫即整，蓬鬆綿密口感配上豐富配料，，款款都超吸引！一定要試招牌岩燒焦糖瀑布梳乎厘，炙燒到焦糖面，味道香甜綿密，空氣感十足！另外開心果迷就要試芝士開心果口味，面層灑上開心果碎碎同杜拜朱古力麵包絲，開心果味好濃郁！另外泰式珍珠奶茶同黑芝麻口味都唔錯，質感好鬆軟。
自家製蛋糕＋特色咖啡
除了梳乎厘班戟，店內仲有咖啡、奶茶同其他輕食選擇，例如抹茶紅豆牛奶，評價指奶味香濃、唔太甜，蛋白味突出，食完班戟再配一杯解膩；口感味道好特別的蛋撻咖啡，有蛋香又有咖啡香。仲有自家製蛋糕如海鹽芝士咖啡酒奶蓋提拉米蘇及宇治抹茶軟心巴斯克，質感蓬鬆綿密，大家去開大埔就去試吓啦！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：新假期編輯部
