好彩，今年新年唔使再煩！滙豐信用卡於新春期間及前後提供一系列多元化餐飲優惠選擇，除咗同長輩拜年必選嘅傳統酒樓同中菜館，仲涵蓋日式燒肉、壽司、火鍋，以至外賣平台，咁多選擇，方便應付唔同新年飯局需要。無論係大家庭團年、後生朋友聚會，定係想留喺屋企輕鬆食餐好，總有一款啱你。

需要留意嘅係，部分優惠屬於新年期間限定，亦有部分優惠適用於新年前後或指定日子，實際適用日期及條款以各餐廳公佈為準。文末已為大家整理優惠總表，方便一次過比較同計劃，誓要將優惠一網打盡！

中式團年聚餐之選｜利苑酒家、翡翠拉麵小籠包套餐低至 7 折

提起新年團年飯，一家大細有老有嫩，又要講究意頭同熱鬧氣氛，中式酒樓或中菜館始終都係最穩陣嘅選擇。

榮獲米芝蓮星級肯定嘅利苑酒家，新春期間特別推出新春開運套餐及新春意頭菜單，仲有盆菜同乳豬供應，過節氣氛十足。滙豐信用卡持卡人可以勁抵價享用新春開運套餐，而新春意頭菜單亦可享低至 8 折優惠。至於新年必備嘅盆菜及乳豬，購買禮券更可即減港幣 100 元。無論係 4 人家庭、6 人聚餐，定係按人數散嗌，都有相應優惠選擇，安排更靈活。

如果唔想去酒樓，又想長輩坐得舒服啲，中菜館同樣係個好選擇。翡翠拉麵小籠包、江南．翡翠同翡翠江南就準備咗多款新春賀年菜式，例如寓意十足嘅【年年撈起】雞絲撈起撈喜、【橫財就手】紅燒大元蹄，以及【金玉滿堂】紅燒鮑魚燴海參，又有賀年糕點同盆菜選擇，過年氣氛十分到位。用滙豐信用卡消費，唔單止指定套餐可享低至 7 折，賀年糕點同盆菜同樣可享高達 85 折優惠。相比傳統酒樓，中式套餐選擇更靈活，方便按家庭人數同需要去揀，食得舒服又唔使太拘謹。

日式新派聚會之選｜壽司郎堂食送金碟；牛角放題、定食、温野菜火鍋 7 折

踏入一月尾，距離正式農曆新年唔夠一個月，過年氣氛已經逐漸濃郁。唔少人都會喺農曆新年前，先同朋友、同事約飯熱身，又或者避開人潮，提早慶祝。相比正式嘅團年飯，呢類聚餐講求輕鬆同彈性，日本菜自然成為唔少人嘅選擇。

向來深受港人歡迎嘅壽司郎，入場門檻低、節奏輕鬆，就特別適合呢類聚餐。由即日起至 2026 年 2 月 15 日，逢星期五至日於壽司郎堂食，憑滙豐信用卡簽賬滿港幣 200 元，即可免費獲贈金碟一碟同埋限定「萌抱壽司禮品」，有得食又有得拎，為聚會增添多一份節日氣氛。另外亦設有長期優惠—— 逢星期一至四堂食或外賣自取，消費滿港幣 400 元可獲贈港幣 12 元優惠券作下次消費使用，優惠期至 2026 年 12 月 31 日，無論幾時想約飯都相當實用。

新年假期日子有限，又要陪屋企人、又要拜年，往往未夠喉就已經過咗。之後再約返親戚如表兄弟姊妹，或者同學老友聚一聚，咁新年前後都適用嘅優惠就特別實際。使用滙豐信用卡，牛角 Buffet 及牛角放題實施店即享晚市極上和牛 100 分鐘放題 7 折優惠；惠顧 Lv.4 焼肉の巨匠放題，更可享免費生啤放題，啱晒慢慢吹水叙舊，食得傾得更盡興！如果唔想食放題，或者人數較少，牛角及牛角 J 同樣提供套餐及定食選擇，亦可享 7 折，飲品甜品都有優惠，彈性更高。

另外，暖笠笠嘅火鍋亦係新年聚會嘅熱門之選。滙豐信用卡持卡人惠顧温野菜，可享指定肉類及野菜盛合 7 折優惠。一人一鍋嘅用餐方式，無論人數多寡都同樣合適，一班人坐低慢慢食，自在無壓力，無論係新年前聚餐，定係過後再約飯都十分合適。

新年屋企團聚之選｜Foodpanda 外送或自取 5% 回贈

新年期間，未必餐餐都有心機外出用餐。拜年之後、團年翌日，或者年初幾日只想留喺屋企同家人休息，外賣自然成為最方便直接嘅選擇。

逢星期三或六，滙豐信用卡用戶透過 Foodpanda 落單，無論選擇外送定自取，都可尊享 5% PandaPay 回贈獎賞。唔使安排、唔使等位，無論係一大班親戚朋友突然上門拜年，定係忙碌一年後想好好休息，同家人靜靜團聚，都可以輕鬆食餐好，完美開始新一年。

優惠總表

優惠受條款及細則約束。

借定唔借？還得到先好借！

（Presented by HSBC）