「長者關愛站」再現大埔｜疑呃長者萬元裝修 職員反擊：政府都唔理佢哋！
攤檔直擊 長者誤信係政府服務
HOY TV節目《一線搜查》派員到太和邨商場近街市出入口視察，發現該臨時攤檔佔據人流必經之處，掛起「長者免費身體檢查」、「協助長者申請政府資助」等大型標語，並派發印有「長者關愛站」的福袋吸引長者。由於宣傳字眼均為「服務長者」，令不少人誤以為是政府或社福機構的活動。有街坊李女士受訪時便深信不疑：「唔係做維修，政府㗎，做三個月，唔係呃我哋啊婆㗎，仲有禮物俾返我哋。」然而，大埔區區議員麥成灝透露，上月已接獲長者求助，指在攤檔留下個人資料後，即收到職員訊息推銷家居裝修，甚至有人突然被索取10,000元，手法極具誤導性。
職員理直氣壯反駁：我哋冇犯法
面對質疑，攤檔職員劉先生接受《一線搜查》訪問時承認與早前李鄭屋邨的攤檔屬同一公司，但堅稱出發點是為幫助長者，更理直氣壯地表示：「好多長者屋企爛晒，冇人理佢哋㗎，議員又唔理、政府又唔理佢哋。呢八萬蚊可以幫到佢哋好多，政府都唔做宣傳。」他強調公司打正旗號寫明是維修公司，有商業登記，只是抱著「一半做生意、一半幫長者」的心態。公司負責人郭先生亦不斷重申公司並無違法：「我哋做嘅嘢最緊要係冇犯法，啱唔啱先？」他指政府並無規定身體檢查需要特定牌照，並承諾在工程開始前絕不收取任何訂金：「如果有嘅，你即刻同我哋講或者報警，真金不怕洪爐火。」
翻版再現 曾被揭發推銷維修
事實上，類似手法早在今年9月已被《一線搜查》報道過。當時在深水埗李鄭屋邨出現一間名為「長者關愛健康服務站」的店舖，同樣以免費健康檢查及協助申請資助為名，吸引長者登記資料，其後被揭發真身是由裝修公司營運，目的是推銷家居維修服務。涉事公司負責人郭先生承認，太和邨的攤檔是李鄭屋邨事件後的「進化版」，為免再被指控，他們已作出改善：「經過李鄭屋邨嘅情況，我哋已經進步咗。我哋連文件都唔會收集，會銷毀、會碎晒佢。」他聲稱此舉是為了好好保管長者個人資料，避免誤會。
區議員狠批掛羊頭賣狗肉 商場要求整改
事件引起社區關注，區議員麥成灝直斥攤檔做法是「掛羊頭賣狗肉」，有心誤導長者，隨即向商場管理方反映情況。商場方面亦指，已觀察到攤檔的推銷手法有可疑，若純粹推銷裝修，理應在招牌上清晰列明公司性質，故已要求攤檔整改。不過，記者現場所見，該攤檔僅在角落貼上一張細小的「家居裝修設計有限公司」招牌，當眼處依然是「長者免費身體檢查」的大型海報，整改誠意備受質疑。不少街坊對此表示擔憂，害怕有更多長者因一時不察而洩露個人私隱，甚至招致金錢損失。
