日本妹無限回購8大潤唇膏推介！冬天嘴唇狂脫皮救星
MAQuillAGE「心機星魅蜜光圈潤唇膏N」
日本女生大推MAQuillAGE「心機星魅蜜光圈潤唇膏N」，精選獨家「深層保濕包裹配方」，結合高濃度美唇精華油與超級玻尿酸，長效保濕潤澤，有效對抗乾燥開裂，功效已獲日本藥用認證。除咗當唇膏外，仲有櫻花妹新玩法，用作高光品喺眉骨、顴骨等位置輕點提亮，打造出自然透亮嘅水光底妝，係潤唇又養膚嘅多功能神器！
TAKAMI唇部滋潤保濕精華美容液
TAKAMI潤唇膏質地輕盈水潤，超易吸收，特別啱唔鍾意厚重感嘅你。結合獨家成分深入滋潤角質層，幫助調理肌膚代謝，改善乾燥粗糙，減少泛紅不適，同時強化皮膚屏障，提升肌膚健康度。每日使用，膚質明顯柔嫩透亮，敏感肌都適用。
曼秀雷敦高保濕潤唇膏
曼秀雷敦高保濕護唇膏超受歡迎！採用獨家「Moist Bank技術」，能吸收空氣水分化成保濕乳霜，隨體溫融化緊貼雙唇，保持長時間濕潤。質地猶如奶油般柔滑，瞬間融化於唇上，打造水嫩潤澤唇感。潔淨無香款或花香蜂蜜款任你揀，輕抹即可擁有柔軟滋潤雙唇，適合唔鍾意厚重感嘅你，輕薄又持久。
Vaseline 保濕潤唇膏
說到凡士林Vaseline，絕對無人不識！Vaseline護唇膏斜口擠壓設計，更方便快捷補擦。百分百純凡士林配方，無色無防腐劑，超溫和低刺激，特別啱敏感肌同乾裂唇。夜間厚敷當唇膜，隔天脫皮即走，雙唇超水嫩有光澤。簡單有效，成為長青人氣王，護唇必備之選！
NIVEA極保濕潤唇膏
NIVEA靠平價同高效贏得女仔心！呢款深層潤澤護唇膏緊貼雙唇鎖住水分，做到長時間水潤滋潤。唇膏內含蜂蜜、蜂王乳、海藻多醣、胺基酸、橄欖油同時加入維他命E及甘草酸硬脂醇，修護又防乾裂。價錢平又有SPF26/PA++防曬，秋冬季節必備日本醫藥部外品，唇部乾燥怕曬嘅你一定要有！
Curel潤唇膏
Curel一直以敏感肌救星聞名，其潤唇膏同樣強大！配方無香料、無色素、無酒精，經多重敏感測試，溫和低刺激。質地滑順不黏膩，不只日常保養超適合，仲可以當妝前打底，令唇彩更服貼持久。多年的銷量人氣不減，成為敏感肌必備經典潤唇膏，藥妝店常年熱賣，絕對是潤唇界的長青樹！
MUJI防曬潤唇膏
最近小紅書爆紅嘅MUJI無印良品防曬潤唇膏，超多網民力推！呢支唇膏潤而不厚重，被譽為乾唇嘅救星。最大亮點係有SPF15，輕鬆解決雙唇防曬問題，做到一物兩用。只需$25，天然成分低敏感，輕巧易帶，真係性價比爆燈！
Moilip潤唇膏
資生堂Moilip潤唇膏係日本藥妝店嘅熱賣品，屬第三類醫藥品，專為解決嚴重乾裂、唇炎、口角炎等唇部問題而設。含有維生素B6、維生素E、泛醇、甘草次酸及尿囊素五大活性成分，有效舒緩發炎、促進修復，幫助恢復唇部健康皮膚。唇膏質地柔滑，無香料無色素，溫和不厚重，適合日常護理及急救修復。
