2026倒數派對推介！啟德Cantonpop Party+炸雞薯條放題+人氣茶飲任飲
Gen Z DJ Deanź主理廣東歌派對 400+金曲陪你倒數
今次倒數派對嘅靈魂人物，就係年僅20歲嘅香港DJ新星Deanź！佢將會登陸「2026倒數新浪潮」嘅舞台，用佢對音樂嘅熱血同能量，帶領大家投入一場不一樣嘅Cantonpop countdown party。Deanź嘅音樂風格多變又創新，由廣東歌、Disco到EDM Remix都完全難唔到佢。作為Gen Z，佢嘅飲歌竟然係古巨基嘅「必殺技」，可見佢對廣東歌嘅熱愛跨越年代！
Deanź曾與多個著名Cantonpop單位合作，出席超過50場廣東歌派對，演出經驗非常豐富。據聞佢為今次派對準備咗超過400首歌嘅Playlist，歌庫集齊快歌、慢歌、熱門歌，甚至電影、劇集同卡通片主題曲，無論你係80後定00後，都一定會喺佢嘅音樂中搵到屬於你嘅回憶同節奏，一齊由2025年Sing-along到2026！
邪惡炸雞薯條放題！四大限定醬料＋老字號李錦記醬料
跨年派對點可以冇美食？為咗令大家玩得盡興，新假期為大家準備咗「唐揚炸雞 x 薯條放題」，陪你一齊食住倒數！唔單止可以食到飽，現場仲有多款限定特製醬料任你點，包括黑色的「黑芝麻」、綠色的「抹茶芥末」、黃色的「薑黃」，紅色的「秘製辣椒醬」以及由本土老字號李錦記贊助的經典是拉差辣椒醬及新推出的蜂蜜是拉差辣椒醬，每一啖都係新驚喜，邪惡到停唔到口！每位參加者仲會有一杯酒精飲品，等你可以食住炸雞、飲住酒、跳住舞倒數！(唐揚炸雞 x 薯條任食供應時段：9pm-11:30pm)
兩大人氣茶飲店免費暢飲
飲品方面一樣有驚喜！兩大人氣茶飲店Milksha同NUTTEA將會登陸會場，免費提供人氣手調茶飲！來自台灣嘅Milksha以100%鮮奶打造綿密香濃嘅奶茶聞名，當晚將會帶嚟伯爵鮮奶茶、烏龍鮮奶茶、茉香鮮奶綠及四季春鮮奶茶四款人氣原葉鮮奶茶。
而全球首創堅果奶蓋嘅NUTTEA，亦會為大家送上鮮檸百香果紅茶同鮮橙茉莉綠茶兩款酸甜清爽嘅特飲，最適合注重健康、純素同乳糖不耐嘅朋友。當然唔少得佢哋最出名嘅堅果奶蓋，當晚會以試食裝形式登場，等你可以成杯「𢳂」嚟食，感受濃香滋味！
新假期 X 浪谷 2026倒數新浪潮 SING-along Rave 2026 Countdown
活動時間：2025年12月31日 晚上9時 至 2026年1月1日 凌晨1時
活動地點：浪谷 （啟德協調道2號AIRSIDE 6樓L601號舖）
費用：$360/位
***是次活動門票收入將不扣成本全數捐出，用作支援不幸於大埔宏福苑火災中喪生之遇難者家屬及受影響的居民。
