《墨魚遊戲3》盤點今集陸永12大金句 與洪天明展示超強默契

《墨魚遊戲3》狂派金句！表面Hea玩實質貢獻巨大

在片長1.5小時的《墨魚遊戲3》入面，陸永在「氹氹轉菊花園」、「天下太平」遊戲中似乎無積極參與遊戲，但發揮巨大作用，節目中不時聽到他的旁白形容遊戲進度，在「天下太平」紅藍兩組對戰時，雖然迴避上前線，但他在場邊不停輸出金句，一方面提供情緒價值，另一方面深入敵陣援敵，為藍隊提升士氣功不可沒，也為節目增添不少娛樂性！

遊戲大王未能笑到最後

節目最後一關遊戲「007」，玩家需要分別上子彈或開防護網來決定生死，經過一輪交戰後，在最後八位玩家中先後淘汰陸永、洪天明、東方昇、Ming仔、雞翼、林子峰以及Lolly Talk的兩位成員阿蛋、Yanny。眾人換上西裝，一齊食小菜，總結表現，之後玩final game決勝負。陸永在該回合展示他超清𥇦思路，被網民大讚最會玩遊戲的人。洪天明就搞笑著大家先隊陸永再隊他，不忘提及老婆的叮嚀「我老婆叫我唔好亂射」。最先出局的是天明，但天明不停爆金句令場面非常好笑。

陸永金句連環爆

在《墨魚遊戲3》的激烈對戰中，陸永靠運氣行到最後，但展現出驚人的遊戲分析能力，同時不忘以幽默對白娛樂觀眾。他在與潘宗孝握手時直言「好有運，被你fake完都仲唔死」，更分析對手錯誤指「個天係公道㗎」。面對湯令山時，他鼓勵對方「我覺得你會得，一定得」，展現出既競爭又友善的態度。其他經典金句包括「必勝仲好過加油」、「我哋個防護網係用嚟龜縮嘅，龜縮網」等，每句都充滿個人風格。

網民一面倒讚陸永為MVP

節目播出後，網民紛紛留言讚賞陸永的表現，有人直言：「相信冇乜人會反對，陸永係《墨魚遊戲2，3》整個遊戲節目嘅MVP，佢反應快，鬼鬼馬馬，表情豐富，妙語如珠，金句頻密，不時製造矛盾，挑撥離間，成功帶動到整個遊戲氣氛。」另有網民稱讚他為「言靈師」，「以言語對唔同玩家施展精神魔法，仲有『你睇我唔到、你睇我唔到』嘅作用，接近係用把口直入final round。」更有人感嘆：「其他人認真地玩，想贏，想在遊戲中找到娛樂，自己開心；陸永認真做好節目，炒熱氣氛，想觀眾得到娛樂，大家睇得開心。是Youtuber和Entertainer的分別。」不過也有少數網民認為他「去到最後有少少覺得太過搶」，但整體而言，陸永的綜藝表現獲得壓倒性好評。

盤點今集陸永12大金句

1.跟潘宗孝握手謂：「（我）好有運，被你fake完都仲唔死，（阿修）你嘅錯係咩？fake錯咗一下，佢嘅錯係佢被人fake ，再fake人，抵死！個天係公道㗎！邊個錯得多丫？」
2.握住湯令山手說：「我覺得你會得，一定得，真係得，我哋好想鼓勵你。（潘宗孝：用背脊贏墨魚遊戲）即係用背脊都贏？（潘宗孝：佢係I人）其實我都I。」
3.必勝仲好過加油
4.就係咁玩，就係永遠唔猜輸咋嘛。
5.好多戰術咁，其實係猜包剪揼好勁。
6.我哋比個感覺你，就係打開比的射都唔會射得中
7.我哋個防護網係用嚟龜縮嘅，龜縮網。
8.你唔好咁多戰略啦，你都係咁猜贏啫，我係你個隊都唔好意思啦！

9.如果香港有呢種比賽（天下太平），掉呢種波，你就係奧運冠軍，奈何無呢隻比賽。
10.佢做到嘅嘢，佢都做到，但Stone做到嘅嘢，安仔做唔到。
11.我廢㗎
12.我都好辛苦同好努力，分別喺第三、第四個遊戲喺完全無做過任何嘢都晉級，或者我係話俾大家知順其自然，隨遇而安都未必係一個好策略，因為依家輸啦！

試當真告別作圓滿落幕 見證時代結束

《墨魚遊戲3》作為游學修主理的YouTube頻道「試當真」告別作，成功為這個時代劃下句號。節目從40位玩家開始，經過五個遊戲的激烈淘汰，最終由Lolly Talk的阿蛋意外奪冠，獲得象徵性的一百元獎金。陸永雖然未能笑到最後，但他在「遺言」中的自我反思「順其自然，隨遇而安，都未必係一個好策略，因為而家輸喇」，展現出他對遊戲策略的深度思考。

(圖片來源：)

(圖片來源：)

(圖片來源：)

(圖片來源：)