Protected: 【2025萬聖節好去處】怪獸來襲THE SOUTHSIDE！10.25 廣東歌萬聖夜盲盒歌手 x 萬聖勁舞玩足全晚

不知不覺就已經到十月，大家期待嘅萬聖節都即將來臨喇！每年諗去邊度慶祝都好頭痕，想帶埋小朋友或小毛孩一齊感受節日氣氛，但又唔敢去太驚嚇嘅鬼屋？今年港島南生活文化地標THE SOUTHSIDE就為大家準備好一切啦！特別邀請咗英國藝術團隊Designs in Air，將佢哋最新嘅藝術裝置「Filthy Monsters」帶嚟香港！即日起至11月2日，唔同樓層都會出現大型充氣裝置打卡位，將成個商場化身成幻彩森林，搞怪小怪物將會遍佈商場每個角落，等大家帶埋寵物換上萬聖節裝扮，一齊嚟探索呢個融合藝術同驚喜嘅奇幻旅程！ High爆狂歡萬聖夜｜大人小朋友都啱玩！SOUTHSIDE廣東歌萬聖夜+ Trick-or-Treat派對 率先喺萬聖節來臨嘅週末，提前玩返轉先！「SOUTHSIDE廣東歌萬聖夜」誠邀神秘廣東歌原唱歌手到場驚喜登場，仲有著名廣東歌DJ組合Cantomania為大家帶來一連串嘅廣東話串燒歌曲，一齊參與大型K歌熱舞現場～同時，大家亦可以一邊享受萬聖節特調飲品，一邊欣賞嘩鬼勁舞巡遊，沉浸於同鬼怪party嘅世界啦！ 而喺萬聖節正日10月31日，緊係要帶埋小朋友參加「Trick-or-Treat派對」！由嘩鬼專員帶領大家去攞糖果及小禮物，壓軸仲會有充滿驚喜嘅樂園，等大家一齊冒險！ 萬聖節餐飲購物優惠｜沉浸式享受萬聖節樂趣！ 玩到攰，THE SOUTHSIDE場內多間商戶亦準備咗一系列萬聖節限定優惠，等大家可以食飽兼掃貨！ Another Hound Café：想同朋友飲返杯？緊係要試試萬聖節特飲！只要穿上萬聖節裝扮或化妝，消費即可享8折優惠，著住costume影返張靚靚IGable打卡相先！ Bivacco：特別推出萬聖節Flesh & Bloody餐點，等大家可以100%全程投入節日狂熱之中！ FOTOMETA：特別推出萬聖節「EYES ON YOU」主題寵物攝影同相框，影完相仲可以用優惠價$30印製巨大化人生四格相，同好朋友一齊留個特別紀念！ *只限長條4格或3格相 Ice by Yo Mama： 平日食乳酪最開心嘅莫過於可以自己加toppings！適逢萬聖節，特別推出萬聖節眼球配料，為大家「加料」～ Green Tea：（*offer and photo to be updated later~) 認識Filthy Monster家族成員！古靈精怪又可愛 今次佔領THE SOUTHSIDE嘅係一班叫「Filthy Monster」嘅怪獸家族，佢哋每位成員都性格鮮明，睇落古靈精怪但又好得意！好似無手無耳無嘴嘅Goofs，係靠心靈感應同人溝通，得到愈多愛就會變得愈肥嘟嘟；Howler就係終極膽小鬼兼戲劇女王，少少事都會嚇到佢紮紮跳；Grollop係個 grumpy嘅傢伙，但其實好鍾意人哋注意佢，想氹佢開心；Eye Scream因為有太多個樣同成百個腦，所以情緒成日都好似過山車咁大起大落；而Kevin就係超級怕醜仔，總係匿喺嘢後面，對大眼睛好似蝸牛咁周圍望！成班怪獸咁得意，記得嚟同每一個怪獸仔打聲招呼啦！ 必影！5米高幻彩森林霸主 一入LG中庭，就會見到5米高嘅幻彩森林霸主！大魔怪擁有三隻炯炯有神嘅大眼睛，活潑精靈，仲調皮咁向大家露出尖牙揮手！ 搞怪打卡照Get！超特別Trick Art 除咗5米高幻彩森林霸主Grollop攻佔咗中庭之外，大家記得唔好淨係俾佢sharp爆外星吸引咗，而忘記望地下嘅「小陷阱」呀！地板位置將會出現不同「陷阱」，有機會唔小心捲入瀑布或者被怪獸整斷咗木橋跌落懸崖啦～ 只要用唔同嘅拍攝角度及姿勢，再調教一下位置，就可以輕易拍攝到得意又搞怪嘅照片！ 萬聖節氣氛滿載！挑戰攤位遊戲 贏取獎品 每逢星期五、六、日及公眾假期，中庭將會擺放萬聖節主題攤位遊戲，包括：「眼仔碌碌」、「帽子戲法」及「有眼無蛛」等趣味挑戰，考你眼界同身手！只要完成遊戲，就可以換到一份小禮物，一家大細去挑戰就啱晒喇！ 而星期一至四，中庭位置將會變身成為打卡位，歡迎大家帶埋主子一齊去影相，為今個萬聖節留下美好神秘回憶啦！ THE SOUTHSIDE萬聖節「EYES ON YOU」幻彩森林 日期：即日起至11月2日 地點：THE SOUTHSIDE各樓層

Protected: 【2025萬聖節好去處】怪獸來襲THE SOUTHSIDE！10.25 廣東歌萬聖夜盲盒歌手 x 萬聖勁舞玩足全晚

人氣搜尋文章

最Hot飲食情報

Protected: 【2025萬聖節好去處】怪獸來襲THE SOUTHSIDE！10.25 廣東歌萬聖夜 盲盒歌手 x 萬聖勁舞 玩足全晚

人氣搜尋文章

最Hot飲食情報

Protected: 【2025萬聖節好去處】怪獸來襲THE SOUTHSIDE！10.25 廣東歌萬聖夜盲盒歌手 x 萬聖勁舞玩足全晚