女神配對計劃大結局｜男方「終極告白」催淚節錄公開 5大女神邊對配對成功？

男女雙方各自說出「最後告白」

根據官方今日率先發布的搶先看宣傳照，現場布置得像真的結婚場地一樣，現場不但有女神們及求愛勇者，還有專誠而來支持他們的親友，加上現場大量工作人員，場面熱鬧。在主持人兼金牌媒人阿Bob帶領下，五位女神將輪流與自己組的勇者進行配對，在男、女雙方各自說出「最後告白」後，只要雙方在限時十秒內皆將身體轉向自己的女神／勇者，配對便為之成功！根據官方宣傳照，在配對期間，Sophie一度哭成淚人，未知是否因苦陷「2揀1 Dilemma」有關！搶先睇宣傳稿還指出，當有CP成功配對後，媒人阿Bob一度興奮至瘋狂大嗌兼驚現聲沙狀況，相當肉緊！

求愛勇者「最後告白」搶先睇 兩大勁敵終極VS

林堡熙叫Sophie「唔使咁理性」？GM立堅定愛的宣言：我可以好肯定咁講…
為了讓大家率先感受大結局現場的暖意及粉紅氣泡，大會還額外發布了七位求愛勇者的「最後告白」。
林俊其向羅毓儀：

「等我嚟照顧你，你淨係需要做一個開開心心，最純粹嘅你就夠。」

林焌堯向李芷晴：

「就算天氣唔好，睇唔到星星，我都會變做一粒星星，永遠喺你旁邊陪伴住你、照亮住你」

劉啟進向梁敏巧：

「我係對你有好感，亦都好想繼續認識你、了解你，尤其節目外嘅你」

姜卓文向關嘉敏：

「我都好擔心你會點睇我…我希望你知道無論結果係點都好，我都希望你開心，繼續做自己」

黃家俊向關嘉敏

「Carman，我由一開始就係揀咗你…我希望真係大家會做到互補不足」

林堡熙向葉蒨文

「你做呢個選擇時可以輕鬆啲，唔使咁理性架，你個心入面、腦入面第一個人，出現嗰個就係嗰個架喇，唔好畀太大壓力自己」

曾展望向葉蒨文

「我唔想我生活冇咗你，但如果你問我，每次約會我會同你講啲咩呢？我可以好肯定咁講…」

三位女神配對成功獲祝福

女神中的3位女神葉蒨文（Sophie）、梁敏巧（Maggie）及羅毓儀（Yuki）成功與心儀求愛勇者曾展望GM、劉啟進（Matt）及林俊其（Kris）配對成真正CP，當中GM向著Sophie連講三次「我愛你」，以及最後來個抱頭式的霸道總裁式「世紀之吻」，再加Sophie興奮到忘形的「開心揼地尖叫」，更成為昨晚一整晚熱話，不少網民大讚GM愛得真摯、勇敢又霸氣，並直指二人的「配對」已直接昇華至求婚甚至結婚現場。

李芷晴選擇單身 抗拒Jacob

節目中年紀最大嘅32歲李芷晴選擇單身，抗拒年薪80萬的分析師Jacob，Jacob有意與她發展，但她卻派「好人卡」爆喊：「經過呢個旅程，我了解自己多咗好多，亦都可能開始釐清到自己過往嘅愛情經歷點解都唔係太順利，但我覺得我……喺呢個旅程裡面更加了解到自己太過戀愛腦，諗得唔夠清晰、清楚，就去開展一段關係。如果我貿貿然去做一個咁重要嘅決定，係對大家都唔公平，所以……對唔住，多謝你。」

教堂告白關嘉敏失控爆喊 選擇單身

關嘉敏要在細John姜卓文和Matthew之中選擇，惟她兩人都沒有選擇，坦言細John是「錯的時間對的人」，而Matthew則是「對的時間錯的人」 雖然Matthew 選擇了轉身，但關嘉敏也無法接受Matthew ：「好多謝你哋揀我，一個對的人，錯的時間，同埋一個錯的人，對的時間。Matthew ，我知道你真係一個筍盤，但係我唔可以對你咁唔公平。」 不過說到細John 時，她難忍淚水再次剖白內心有多傷痛。

關嘉敏感動告白 ：我學識咗笑住同你講ByeBye

關嘉敏續說：「到細John，可能我哋做朋友嘅關係會更加長久，所以今日之後，我唔會對你有任何考慮。多謝你令到我第一次咁主動鍾意一個人。真係痛嘅，我學識咗啦我會笑住同你講byebye。」