人氣潮流零售品牌OH!SOME登陸香港！人氣IP公仔/化妝品/飾物

人氣潮流零售品牌OH!SOME 正式登陸香港！

店內集合咗年輕人至愛嘅潮流生活精品，包括潮玩、化妝品、家品、文具、飾物等多個品類。由洗版社交平台嘅人氣化妝品，到Ins風高顏值文具；由小眾香氛到創意IP家品，全部都係精挑自Instagram、小紅書等平台嘅熱賣爆款。最特別嘅係，仲有多個美妝護膚品牌、同埋多款獨家款式文具首次進駐香港。

同時，品牌圍繞出遊、下廚、節日送禮、個性搭配等唔同生活場景，引入線條小狗（Maltese）、史迪仔（Stitch）、玩轉腦朋友（Inside Out）、黃油小熊（Butterbear）、暹羅厘普（Siam Lipu）等人氣角色產品，為日常生活注入更多趣味同風格。店內仲設有扭蛋專區，款式包括西多士、貓耳漢堡 等造型玩具，等顧客shopping之餘，都可以輕鬆歎娛樂體驗。

限定開幕優惠

由即日起至8月31日，店內舉行特別活動，凡着指定主題色系來店打卡，即可獲得神秘小禮物；期間消費滿HK$200，更可換領商場HK$15現金券。即時登記成為OH!SOME會員，即送100積分，全球門市通用，並享有積分換購、生日驚喜、線下工作坊等專屬禮遇。