森林麵包爆紅魚肉燒賣千層酥！人氣泰星鄺玲玲都推 太古城限定供應

森林麵包爆紅魚肉燒賣千層酥！

人氣麵包店「森林麵包」一夜爆紅！最近森林麵包進駐太古城中心開分店，帶來多款全新創意烘焙麵包，其中最有創意是將點心結合千層酥皮系列的魚肉燒賣千層酥$26、叉燒菠蘿千層酥$26、港式熱狗千層酥$26等，重新演繹港式街頭滋味。而魚肉燒賣千層酥（每日12點開賣，限量供應）是將港式街邊小食再進化， 煙靭魚肉燒賣上面灑上明太子、惹味XO醬加上酥皮包裹一口燒賣，創新得來貼地，一推出就得到不少網民和媒體分享，甚至乎連人氣泰星鄺玲玲都推介，令舖頭一開業就大排長龍，魚肉燒賣千層酥中午一點就極速售罄，非常誇張！另外現場仲有龍蝦湯千層撻$98、原粒特大帶子薯蓉撻$68、叉燒菠蘿千層酥$26、港式熱狗千層酥$26、奶醬丹麥酥$26、芋泥麻糬千層酥等款式，想品嘗創新嘅麵包就切勿錯過了！

創意爆棚中西合璧「千層酥皮系列」！必試龍蝦湯千層撻

除了魚肉燒賣千層酥，另一超創意的是龍蝦湯千層撻（$98），用上鮮甜龍蝦頭及殼，再加入各種蔬菜香草熬製成濃郁龍蝦醬汁，面層鋪上蒜蓉牛油煎香的龍蝦尾，帶來豐富鮮甜味與視覺享受，香氣四溢、奢華感十足。原粒特大帶子薯蓉撻（$68）也是必試，鮮甜帶子用牛油煎封，撻皮外層酥脆，內餡是香滑薯蓉與原粒大帶子，飽滿鮮甜！

叉燒菠蘿千層酥（$26）焦香千層酥皮下包裹蜜汁叉燒，酥香鬆脆中散發濃厚港式街頭風味。港式熱狗千層酥（$26）香脆酥皮包裹腸仔，懷舊風味升級重現，童年回憶新演繹。奶醬丹麥酥（$26）靈感取自港式茶餐廳奶醬多，經典煉奶化身成奶凍加花生醬組合，濃郁滑甜，配合丹麥酥皮香脆口感，令人回味無窮。芋泥麻糬千層酥（$26）綿滑芋泥搭配煙韌麻糬，夾於酥皮層層之中，層次分明。