47歲楊思琦出新歌賀牛一 大方透露直播超可觀收入兼爆老公真正身份

楊思琦自豪透露直播可觀收入

楊思琦事隔5年再度推出新歌，今日現身發布會嘅佢接受訪問時，就表示新歌自資五位數字製作，希望藉歌曲帶出對愛情與家庭的珍視，更預計歌曲未來會在150個平台推廣。

楊思琦接受訪問時更借機會澄清曾被指收費傾偈一事，並大爆自己嘅直播事業發展強勁，除咗坐擁141萬粉絲之外，更試過直播帶貨一場賣足200萬營業額！

楊思琦親解開直播爆喊原因

楊思琦在訪問中亦開腔回應於直播中爆喊一事，皆因年初佢於直播時突然情緒失控狂喊，令唔少fans都十分擔心佢嘅情緒狀態。對此楊思琦接受訪問時就重提事件，並表示自己好眼淺，當日直播其實係因為一首歌而喊：「因為啲粉絲都會點歌，咁我唔識就會去學啦，咁就點播聽到一首歌好感動，叫做《是媽媽是女兒》，呢首歌好感動嘅」，並指歌曲中有做媽媽後特別感觸嘅部分，所以「企埋一邊就忍唔住啦，咁就喺到喊啦」。

楊思琦老公真正身份曝光

而談及家人與老公對其事業的支持時，楊思琦就冧爆表示雖然老公未有現身發布會，但十分支持她的音樂追夢。楊思琦隨後更大爆老公真實身份，又稱唔希望影響佢：「佢係素人，我唔想影響佢，因為成日啲目光都喺我身上，我驚打擾佢生活。」不過楊思琦亦直言唔會收埋老公：「大家順其自然，見到會介紹吓」，並透露不時都會孖老公出街。