黑色暴雨生效市民仍謹守崗位 網民力讚：真係要致敬！
廣告
本港近期連環受暴雨影響，天文台繼上周六（2日）發出黑色暴雨後，昨晚及今晨（4日）更於6小時內兩度發出黑色暴雨警告。雖然天氣情況十分惡劣，交通亦大受影響，但係仍有唔少市民冇得全日停工，需冒大雨前去上班，而佢哋謹守崗位嘅精神亦獲網民力讚！
市民冒暴雨上班謹守崗位
受黑色暴雨影響，唔少公共交通工具都宣布停駛，或謹提供有限度服務。雖然大部份市民今日都因此而全日停工，但係仍有唔少職業需要繼續運作。今早7時就有唔少人如常返工，有任職醫護業及酒店業嘅市民接受訪問，並分別表示：「時間要照規矩，一定有人接更」、「公司都要做運作部門，所以都要返工」，即使面對惡劣天氣，仍然謹守崗位。
網民致敬超敬業精神
對於仍有唔少職業需要如常上班，網民們就紛紛對謹守崗位嘅市民表示尊敬：「餐飲、清潔工、消防等等，都仍在最前線工作，其實值得大家尊重！」、「呢啲要輪班工作既真係致敬」、「人地要交更，你唔返就變左返緊工嘅沒得收工，愛唔愛唔知，但責任係真嘅」、「講真黑雨唔射波真係要尊敬」、「辛苦大家謹守崗位！」
黑雨下打工仔齊轟天文台 網上請願全日停工原因曝光
黑雨襲港刷新紀錄 多區水浸交通受阻 一文睇清各區封路路段狀況
張敬軒黑雨現場目擊般咸道好人好事 神秘網球袋叔叔挺身而出解救巴士
天文台7日內第3度黑雨 將軍澳廿多輛車被水淹 網民：我哋都經歷咗1500 年
撰文：東方新地圖片來源：TVB、threads圖片
