【歎盡Fusion泰菜！】觀塘Foodhall by Moon Thai推出全新菜單：必食巨型咖喱虎蝦/正宗泰北金麵

一嚐正宗泰北風味！泰北清邁雞脾咖喱金麵

講到泰北地區最具代表性美食，一定非「Khao Soi」莫屬！呢款泰北清邁雞脾咖喱金麵完全將呢款地道風味帶到香港～香脆金黃色麵條配上原隻超大雞脾，湯底將椰香同咖喱完美融合，每啖味道濃郁，層次相當豐富！

夏日開胃之選！惹味生猛海鮮

提起泰國菜，點少得各款海鮮菜式呢！泰式青檸蒸鱸魚就好適合夏天食，原條鱸魚直接上枱，再淋上特製青檸辣汁，味道酸酸辣辣，同時亦能夠凸顯魚肉鮮味，非常開胃！

另外，仲有熱辣辣嘅泰式鐵板蠔餅，外層煎到脆卜卜，內裡就包住一粒粒鮮甜飽滿嘅蠔仔；配上泰式甜辣醬一齊食，更加惹味！

重量級登場！必點泰式蛋咖喱炒皇帝虎蝦/辣椒膏炒皇帝虎蝦

鍾意食海鮮嘅你絕對不容錯過！餐廳特別選用越南頂級皇帝虎蝦，每隻都長達16至18cm，肉質飽滿彈牙。泰式蛋咖喱炒皇帝虎蝦微辣咖喱醬汁超入味，送飯一流！

更加鍾意食辣嘅朋友就可以選擇辣椒膏炒皇帝虎蝦！用泰式辣椒膏大火爆炒，鑊氣十足，酸甜惹味，各有特色！

Fusion驚喜之作！泰式船麵火鍋、BBQ醬燒豬肋條

除咗泰國菜之外，仲有其他Fusion菜式㗎！超特別嘅泰式安格斯牛肉火鍋，船麵湯底選用超過20種材料熬製8小時，配上美國安格斯牛肋肉及金邊粉，配搭新奇又有驚喜！

仲可以試埋BBQ醬燒西班牙黑毛豬肋條，肉質厚實同時亦保持到豐富油脂。經過慢火烤製後令外層帶有誘人嘅焦香味，每啖都有濃郁煙燻香味！

慢工出細貨！古法香草三黃雞

為大家推介另一道必點菜式：古法香草三黃雞，外皮香脆可口，雞肉口感嫩滑，不論係大人小朋友都食唔停口！

值得一提嘅係呢道菜式足足要花三日時間完成，先用香草、麥芽糖等調製腌料，再將三黃雞浸泡一晚，令味道更入味。為求達到皮脆肉嫩效果，更需要經過悉心醃製及風乾處理，絕對稱得上係廚師用心之作！

人氣泰式甜品匯集！

食完咁多道主菜，梗係要食返個甜品作為ending啦！近期人氣爆燈嘅斑蘭小花糕，可愛花花造型超級適合打卡，而且咬落口感煙韌，帶有淡淡斑蘭清香，超fresh！

此外，亦可以試埋泰式南瓜椰奶布丁，香甜絲滑口感，而且食落椰香味濃郁，甜度啱啱好！另外，亦有茶味濃郁嘅泰茶奶凍，食落口感綿密，超濃嘅泰式奶茶味道滿佈口腔，超正！

仲等？立即約埋家人朋友一齊去試試Foodhall by Moon Thai 今次嘅新菜式啦！

Foodhall by Moon Thai

地址：觀塘觀塘道348號宏利廣場1樓101號舖

電話：2851 1288

*菜式每晚6時起供應

（Presented by Foodhall by Moon Thai)