灣仔$138起半自助早午餐！任食西班牙tapas＋加$40起包自選主菜及湯
廣告
灣仔西班牙餐廳「The Optimist」主打西班牙北部風味，吸引了不少熱愛地道西班牙菜的食客。最近餐廳新推出十分超值的半自助早午餐！，價錢$138起即可任食逾10款的西班牙tapas，包括各式冷肉、精選沙律、番茄凍湯、黑松露西班牙炸丸子等，另外仲可以優惠價$40起加購主菜及甜品，性價比超高！
灣仔西班牙餐廳The Optimist全新半自助早午餐$138起！
著名餐飲集團PIRATA Group旗下的The Optimist是一間位於灣仔的西班牙餐廳，主打正宗北部西班牙美食和摩登環境聞名。近期餐廳推出全新升級的「半自助早午餐」，逢星期一至六供應，每位$138起即可任食逾10款的西班牙tapas，包括cold cut、黑松露西班牙炸丸子、精選沙律、麵包小食、番茄凍湯等，非常適合熱愛西班牙Tapas的你！另外每位加$40起即可以升級自選一款主菜，如雅枝竹蘑菇燉飯、香草燒雞、炸三文魚柳、牛尾燴飯、烤原條鱸魚、碳烤西冷牛扒、海鮮燴飯（2位用），加$18仲可以自選一款甜品，一次過品嚐多款到地道西班牙風味。
加$40起自選主菜＋湯＋甜品
每位$138起的半自助早午餐，大家仲可以$40起加購主菜，即最平$178已經食到一款主菜再加任食西班牙Tapas自助吧！特別推介香草燒雞，嚴選優質三黃雞肉，醃製時加入百里香、迷迭香等新鮮香草，使雞肉帶有淡雅的香氣和濃厚的地中海風味。外皮焦香脆口，肉質嫩滑多汁，配以焗薯、西蘭花苗，香氣十足！想鋸扒的話，加$100（即$238連自助吧）可以歎到碳烤西冷牛扒，以炭火爐現烤，表面帶炭烤焦香，內裡肉汁豐富，油花分布均勻，柔嫩有咬口。二人分享的有西班牙海鮮燴飯，以西班牙圓米為底，吸收海鮮湯底和番紅花濃郁芳香，配以藍蝦、青口、墨魚，是西班牙餐桌的代表之作，亦極適合與親友分享！此外，$18即可自選甜品，包括火焰卡達拉娜、西班牙油條、巴斯克芝士蛋糕，大滿足！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：官方授權圖片
