鄭伊健美加巡迴超窩心！ Feanna台上獻唱《戀愛預告》獲林珊珊親自教路
伊健首次登陸多倫多 驚喜連連
原來今次是伊健入行40年以來，第一次在多倫多開演唱會。隆重其事，他特別準備兩套新衫見歌迷，出發前更加操排舞和練歌，而當地歌迷見到他落力演出都反應熱烈，全場一齊跳舞。伊健還準備了演唱會版紀念tee作為「手信」，在encore環節獻唱《自動勝利Let’s Fight》時，與Dancers一起拋擲到台下送給觀眾，將原本已經熾熱的氣氛，推上了頂點。
Feanna獻唱驚喜曲目 挑戰經典歌曲《戀愛預告》
除了伊健為歌迷送上驚喜，Feanna更準備了一首歌送給三站的觀眾。「伊健哥哥想我唱一啲開心嘅歌，我突然諗到林珊珊嘅《戀愛預告》，其實珊珊係我經理放下好多唱呢首歌嘅演繹技巧，但始終珊珊係原唱，加上佢都有一齊嚟今次巡迴，所以我唱嘅時候係好大壓力，好在有現場觀眾嘅掌聲同歡呼聲鼓勵，俾咗好多信心我。」
尼亞加拉大瀑布團遊驚喜
完成首站多倫多，伊健為工作人員送上窩心驚喜，出資安排了大型旅遊巴士及當地導遊，讓工作人員到旅遊景點尼亞加拉大瀑布參觀，眾人還冒著全身濕透，登上遊船，近距離感受大瀑布的氣勢。
轉機驚魂記 行李失而復得！
之後大隊再到大西洋城及雷諾進行巡唱，期間發生了一段小插曲。「我哋由大西洋城出發去雷諾，中間要搭兩程內陸機，原本我哋中間有一個小時轉機，但第一班機延遲咗，最後得番兩分鐘時間轉機，我同健都作出最壞打算，以為連衫都冇得換，點知我哋去到雷諾，居然見到我哋啲行李，嗰種失而復得嘅心情，真係好難形容，所以今次呢個旅程，真係有好多難忘同開心嘅回憶。」
Feanna期待下一站！
跟Here & Now團隊遊歷了不少地方，問Feanna想伊健下一站到那裏開唱，她笑言：「希望下站可以係日本或者韓國，咁我就可以留多幾日…哈哈！真係一個諗法唔好嘅少女呀！」
圓滿落幕 堅持開心初衷
美加三場演唱會終於圓滿成功，縱使網上不少評論並引起熱議，但伊健無忘三年前疫情期間開騷的初衷：「做騷梗係開心啦，大家最緊要開心！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
