滙豐18區壁畫印記：全港最潮打卡熱點巡遊！發掘散落香港各地的藝術品
18區壁畫地標，點燃打卡熱潮
「滙豐18區壁畫印記」將香港18區嘅獨特文化同故事融入1880年代鈔票上的經典「滙豐」字樣，一幅幅吸睛嘅壁畫必定近期最潮嘅打卡熱點！
喺中環嘅鬧市某角落，你會搵到一幅用夜光物料打造嘅壁畫，滙豐總行大廈同銅獅喺夜幕下閃耀，完美捕捉金融中心嘅繁華氣派。
想感受傳統文化？大坑某條巷弄藏住一幅以舞火龍為題嘅壁畫，仲用香灰融入創作，重現長壽線香閃爍嘅震撼場面。
九龍城一幅以寨城傳奇為靈感嘅壁畫，飛機掠過、霓虹燈同唐樓交織，喺某個街角等你去發掘，影出復古味十足嘅打卡相！
（圖片來源：HSBC）
梅窩生態角落嘅斑蝶群舞，猶如置身自然之境！最啱weekend放假搭船入去發掘離島可愛嘅一面，吃喝玩樂玩足一日，為繁忙嘅生活放個break叉叉電！
其他區嘅壁畫同樣係打卡必到！赤柱大街會見到龍舟競渡壁畫，充滿夏日熱血；筲箕灣某街頭嘅魚蛋粉畫作，勾起港式美食回憶；油尖旺某懷舊地點嘅冰室壁畫，重現卡位同蛋撻嘅溫情；深水埗某街市旁嘅紅白藍壁畫，滿載布販同電腦商場嘅時代記憶；黃大仙某社區嘅獅子山壁畫，體現香港精神；觀塘海濱某處嘅滑板青春壁畫，充滿年輕活力；大圍某單車徑附近嘅動感畫作，記錄街坊日常；西貢某自然區嘅赤麂壁畫，帶你走進寧靜；荃灣某天橋下嘅寵物友善壁畫，連繫人同動物；大埔某河畔嘅小白鷺壁畫，展現自然和諧；元朗某濕地附近嘅黑面琵鷺壁畫，訴說保育故事；聯和墟某市集旁嘅人情壁畫，延續鄰里情；屯門某海濱嘅海豚壁畫，充滿海洋歡樂；葵青某碼頭附近嘅貨櫃壁畫，致敬香港經濟。
唔想同人撞款打卡？即刻出發，搵出呢啲散落全港嘅壁畫，成為最潮嘅「Local Tourist」！了解更多滙豐18區壁畫位置及創作細節
本地藝術家打造，點亮城市色彩
呢場全城打卡熱潮背後，係來自五位本地藝術家——AAFK(Anny 及 Felipe)、Fever、Peck同Sinic嘅心血結晶。佢哋用創意將各區嘅文化同故事化為壁畫，從深水埗嘅紅白藍到九龍城嘅寨城風貌，每一筆都充滿對香港嘅熱愛。滙豐透過支持本地藝術家，唔單止活化咗城市空間，仲為香港注入新鮮活力，畀街頭藝術成為連繫社區嘅橋樑。
滙豐仲贊助6月28日喺M+開幕嘅廣東現代藝術展，進一步推廣本地同地區藝術文化。呢啲舉措唔單止畀藝術家有更大舞台，仲畀你同朋友有更多機會沉浸喺香港嘅藝術氛圍，影更多吸Like嘅相！
數碼無障礙融入藝術
滙豐更與香港展能藝術會合作，為每幅壁畫製作口述影像，以聲音導航，繪形繪聲地描述出每一幅壁畫的細節。每幅壁畫均設有藝術標籤並附有二維碼，讓視障人士透過語音導賞，了解其創作細節。
集郵18區成為最潮Local Tourist 贏限量版八達通
想喺IG呃爆Like，仲有機會贏大獎？即刻參加「滙豐18區壁畫印記」嘅全港創意打卡遊戲！由即日起至2025年7月18日，親臨18區嘅滙豐壁畫打卡。將相片公開分享到你嘅Instagram，標記@hsbc_hk，仲要tag兩個朋友一齊挑戰！記得喺滙豐香港Instagram專頁搵到6月25日嘅指定遊戲帖文，按讚、留言講低你最鐘意邊一幅滙豐壁畫，並tag兩個朋友。完成步驟，就有機會成為200位幸運兒之一，贏取限量版160週年八達通一張！
參加方法：
- 親臨18區其中一幅滙豐壁畫，影一張創意合照。
- 將相片公開分享到你嘅Instagram，標記@hsbc_hk
- Follow滙豐香港Instagram專頁，喺6月25日嘅指定遊戲帖文留言分享最鍾意嘅一幅滙豐壁畫，並tag兩個朋友。
- 確保你嘅Instagram帳戶設為公開。
無論你想影搞笑Pose定型格Pose，呢個遊戲都保證畀你同朋友玩得開心，仲有機會贏獎品！
(Presented by HSBC)
