均香餅家UNY超市樂富店快閃限定店！即包開心果糯米糍＋懷舊小食

相關文章：均香餅家日賣400磅開心果角仔

均香餅家UNY超市樂富店開限定店！

深水埗40多年老字號餅店「均香餅家」由店二代爆江主理後，頻頻推出創意新品，包括掀起全城熱話的開心果角仔、開心果糯米糍等。早前曾在中環街市開設期間限定店，排隊人龍超級誇張，近日「均香餅家」轉戰UNY超市樂富店開pop-up，一開舖已經超多人支持。是次期間限定店繼續帶來一系列人氣糯米糍（包括超人氣開心果口味、朱古力榛子、黑芝麻及花生）、雞仔餅、蛋散、牛耳、花生糖。期間限定店由即日起至7月2日，附近的街坊切勿錯過啦！

即場即包糯米糍！超人氣爆餡開心果

店員即場包製糯米糍，包括超人氣開心果（$15）、朱古力榛子（$15）、黑芝麻（$10）及花生（$8），開心果口味每款都皮薄爆餡，軟糯煙韌，沾滿開心果果仁碎，口感豐富，開心果味濃郁，果然是名物！朱古力榛子糯米糍口感柔軟彈牙，外層糯米皮細膩有嚼勁，內餡則是濃郁的朱古力與香甜的榛子醬完美融合，甜而不膩；花生糯米糍則以香脆的花生碎搭配細膩的糯米皮，有香濃花生香氣。