灣仔、銅鑼灣驚喜尋味！利景酒店隱藏特色中菜館+歎精緻芒果下午茶＋CP值高午餐！

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jun 6 2025

每日返工咁忙碌，有時真係想搵個地方好好放鬆下，享受一下屬於自己嘅小確幸。如果想約埋朋友食餐好嘅，又想坐得舒舒服服傾下偈，今次介紹呢間位於銅鑼灣利景酒店地庫嘅「陳家廚房」，或者會係你嘅心水選擇。呢度環境雅緻，主打充滿驚喜嘅特色中菜，無論係下午茶定係午市套餐都好有誠意，而且午市套餐仲定期更新，絕對係灣仔區一個值得發掘嘅特色餐廳！最近餐廳仲入圍《新假期必吃食店2025》嘅必吃粵菜，記住去投票支持佢啦！

隱藏酒店地庫的雅緻中菜

「陳家廚房」藏身於銅鑼灣利景酒店地庫，店內環境舒適、菜式富有特色嘅中菜館。餐廳裝潢糅合西式典雅同復古風格，燈光柔和，座位寬敞，客人可以喺一個有別於傳統酒樓嘅清靜環境下，細味廚師團隊精心炮製嘅各款佳餚。

打卡必點芒果誘惑二人下午茶

一講到「陳家廚房」，好多人即刻會諗起佢哋6月新推出嘅「芒果誘惑二人下午茶」。成個set都以鮮甜芒果做主角，鹹甜點款式非常豐富，賣相精緻到令人忍唔住要相機食先！鹹點方面，必試「魚子醬蝦多士」，外層炸到金黃鬆脆，配埋矜貴嘅魚子醬，口感一流。仲有款「荔枝脆蝦球」都好有特色，將原隻荔枝釀入彈牙蝦膠，味道清新又帶點玩味。甜品當然係芒果嘅天下，「芒果法式蛋白脆餅」輕盈香甜，「芒果糯米飯」經典滋味，而「芒果x杜拜朱古力拿破崙」層次豐富，酥皮香脆，配搭濃郁嘅朱古力吉士同芒果餡料，每一啖都係滿滿嘅幸福感。

午市恩物 CP值高套餐

除咗吸睛嘅下午茶，「陳家廚房」嘅午市套餐亦係唔少灣仔返工仔嘅心頭好。午市套餐包括精美前菜同老火靚湯，喺灣仔區、銅鑼灣區嚟講，CP值真係相當高。招牌菜式之一嘅「招牌脆皮炸子雞」，雞皮炸得香脆卜卜，肉質嫩滑，雞味濃郁，值得一試。另外，「陳家咕嚕肉」酸甜醒胃，非常好送飯；想食啲香辣惹味嘅，可以試下「歌樂山辣子雞」；而鑊氣十足嘅「桂花瑤柱蟹肉炒鴛鴦米」，米粉同粉絲分明，蟹肉瑤柱份量都唔少。午餐選擇款式多樣，無論係同同事食個快靚正嘅lunch，定係約客戶食飯都好得體。午市餐牌仲會定期更新，成日都有驚喜！