牛奶冰室變「新」啲｜港式茶記都有驚喜！ 必試 牛奶牛奶主題美食
講起港式冰室，大家可能即刻諗起經典嘅沙嗲牛、西多士。但其實家陣好多冰室都好有諗頭，喺傳統之中加入新元素，畀大家耳目一新嘅感覺！就好似人氣品牌牛奶冰室咁，佢哋就以牛奶同港式風味做主打，定期推出新產品，成功吸引唔少捧場客，目前喺全港已經有超過40間分店㗎喇。
冰室招牌：牛奶主題系列
牛奶冰室以牛奶做食材，將熟悉嘅港式味道昇華，推出咗一系列牛奶主題產品。皇牌產品「生滾牛肉&叉燒湯通粉配牛乳炒蛋」，湯底特別以牛奶熬製，入口香滑濃郁，同鮮嫩嘅生滾牛肉、叉燒一拍即合，非常夾。其中生滾牛肉湯通粉更創下日賣過千份嘅紀錄，人氣真係唔講得笑！套餐仲會配埋用牛乳炒製嘅嫩滑炒蛋，口感豐富，令人一試難忘。如果想再豐富啲，仲可以加配特色飲品「黑糖牛乳紅豆冰」，或者小食「牛奶卷」，嘆返個完美嘅牛奶盛宴。
港式經典滋味：蔥油系列惹味登場
除咗牛奶主題夠創新之外，牛奶冰室亦都冇忘記香港人最愛嘅地道風味。港式經典系列中嘅「蔥油系列」就係誠意之作，例如「蒜香蜜汁叉燒半焗流心蛋飯」，叉燒嘅蜜汁甜香同蔥油嘅鹹香互相輝映，非常開胃。另外仲有「巨人雞扒勁香蔥油飯」，雞扒份量十足，啖啖肉，啱晒大食嘅朋友。鍾意豬扒嘅就可以揀「厚切豬扒勁香蔥油煎蛋飯」，而「厚切午餐肉半焗流心蛋蔥油飯」亦係唔少人嘅心頭好。蔥油嘅香味令到每一道菜式嘅味道層次都更加豐富，無論口感定份量都令人好滿足。
朝早都要歎：全新熱香餅早餐系列
為咗照顧大家唔同時候嘅胃口，牛奶冰室仲推出咗全新嘅早餐及茶餐，等大家喺朝早或者下午茶時段都可以有多個滋味選擇。「熱香餅早餐系列」就係近期嘅焦點推介，鬆軟嘅熱香餅，特別配上以牛乳製作嘅嫩滑炒蛋，口感香滑。
呢個系列提供多款唔同嘅配搭，包括有「野菌火腿炒蛋熱香餅」、「火腿芝士熱香餅」、「餐肉滑蛋熱香餅」、「火腿滑蛋熱香餅」以及「漢堡扒芝士熱香餅」，選擇夠晒豐富。最近餐廳仲入圍《新假期必吃食店2025》嘅必吃Cafe，記住去投票支持佢啦 ！
牛奶冰室 Milk Cafe
(Presented by：Milk Cafe）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：Milk Cafe
