本地樂隊魂再燃！《高山祭》音樂會六月重臨「樂隊聖地」高山劇場
高山劇場：孕育香港樂隊文化嘅搖籃
講起高山劇場，可能好多人即刻諗起戲曲表演。但其實喺八十、九十年代，高山劇場嘅半露天舞台，曾經係本地樂隊以至唔少海外知名樂隊嘅重要演出場地，見證住搖滾、電子、龐克等唔同風格本地流行音樂嘅成長，承載住一代樂迷嘅集體回憶。今次《高山祭》揀喺呢個咁有代表性嘅地方舉行，絕對係別具意義，目的就係想樂迷重新認識香港嘅樂隊文化同歷史，重燃當日嘅熱血。
王雙駿坐鎮 打造兩晚不同風格音樂體驗
今次《高山祭》音樂會由本地金牌音樂監製王雙駿擔任音樂總監，佢嘅大名相信大家唔會陌生，曾經為麥浚龍、陳奕迅、謝霆鋒、吳林峰、柳應廷等多位歌手嘅專輯同演唱會擔任監製或音樂總監，更拎過《叱咤樂壇流行榜頒獎典禮》「編曲人大獎」同「至尊唱片大獎」、台灣金曲獎「最佳專輯製作人」等殊榮，音樂功力毋庸置疑。
今次佢精心安排咗兩場風格各異嘅音樂會，加上紅館級嘅製作班底，打造一連兩日多元嘅視聽盛宴：
《高山祭》音樂會（一）
日期：六月二十日（星期五）
時間：晚上七時三十分
演出單位：流行樂隊The Hertz、Mr.，仲有結他手瞿俊僖(Jason Kui)聯同多名樂隊音樂人同台Jam歌。
想現場感受唔同曲風嘅朋友，呢場絕對唔可以錯過！
《高山祭》音樂會（二）
日期：六月二十一日（星期六）
時間：晚上七時三十分
演出單位：重型樂隊逆流同Instinct of Sight，將會帶嚟充滿力量嘅演出。
而王雙駿更會親自落場擔任低音結他手，聯同鼓手恭碩良同一眾音樂好友，用熱血沸騰嘅音樂聲浪，誓要High爆全場，等大家感受香港樂隊嘅獨特風格！
兩場音樂會都長約兩小時三十分鐘，不設中場休息，保證由頭High到尾！
深入淺出 兩場免費音樂製作分享會
除咗精彩嘅音樂會，大會仲安排咗兩場由王雙駿同資深音樂人黃志淙主講嘅免費音樂會前分享會（粵語主講），等大家可以更深入了解流行音樂嘅製作過程同香港樂壇嘅演變。第一場已於本月十六日圓滿舉行，Carl 叔叔分享咗同唔同歌手合作嘅經驗以及《高山祭》音樂會嘅策劃理念。明日(五月二十三日)嘅分享會Carl 叔叔就會同大家分享佢入行以來製作香港流行音樂嘅變化，尚餘少量座位，大家千祈唔好錯過喇！
分享會（一）：由零到有：剖析流行音樂的製成 (圓滿結束)
日期：五月十六日（星期五）
時間：晚上七時三十分
地點：香港太空館演講廳
分享會（二）：香港流行音樂製作的演變 (少量座位)
日期：五月二十三日（星期五）
時間：晚上七時三十分
地點：香港太空館演講廳
分享會免費入場，不過座位有限，先到先得，額滿即止，有興趣嘅朋友記得預先上網登記留座喇！登記網址： https://www.lcsd.gov.hk/CE/CulturalService/Programme/tc/music/programs_1832.html#tab_6_0
《高山祭》音樂會購票詳情：
香港流行文化節2025：《高山祭》音樂會
地點：高山劇場劇院
票價：$380、$580、$780
購票方式：
門票現正於城市售票網售票處、自助售票機、城市售票網網站、流動購票應用程式URBTIX及電話購票熱線（3166 1288）發售。
https://www.urbtix.hk/event-detail/13403/
見到咁多隊唔同嘅樂隊係咪好心動呢，唔洗諗喇，一於聽晒兩場啦！而家仲有特別優惠比你地！凡購買《高山祭》音樂會兩場嘅正價門票仲可以享有八折優惠㗎！
節目查詢及購票優惠詳情，請致電2268 7321，或瀏覽 www.lcsd.gov.hk/CE/CulturalService/Programme/tc/music/programs_1832.html 。
鍾意本地樂隊音樂嘅你，或者想重溫高山劇場昔日搖滾歲月嘅朋友，千祈唔好錯過今次《高山祭》音樂會喇！約定你六月高山劇場見！
（Presented by：LCSD）
