1歲BB徒手拆走飛機窗框 港爸崩潰求助 1個舉動解決問題獲網民大讚

1歲BB徒手整爛飛機　港爸崩潰求救！

該名港爸在Threads發文，表示自己年僅1歲的女兒首次搭飛機，過程中表現乖巧，全程安靜無哭鬧，正當他暗自慶幸「哇，我個女真係天使BB嚟㗎！」，飛機降落前女兒突然站上座位，好奇拉扯窗框觀看窗外風景，未料「輕輕一掹」，整個窗框應聲脫落，令他嚇傻：「嗰一刻我真係O晒嘴，腦入面閃過無數問號『窗框原來係可以掹得跌嘅？』、 『如果要賠隻窗框，幾錢先夠？』、 『點解呢件事會發生喺我身上？』、 『飛機咁脆弱安唔安全㗎？』」

縱使港爸有嘗試過把窗框裝回，但始終未能成功，最終決定向空姐「自首」，對方聞言後亦愣住：「空姐聽完呆咗幾秒（可能都未試過處理咁嘅case），話要去問吓上頭先。 空姐笑笑口折返回來並笑笑口說到：「唔使擔心，你走嘅時候將個窗框擺返喺張凳度就得啦。」這位港爸才鬆一大口氣表示，更自嘲此經歷將成為家庭難忘回憶。

網民大讚爸爸願意主動承擔：你做得好好！

帖文引來大批網民討論，焦點除了BB的「神力」，更多讚賞爸爸主動承擔的態度，認為是父母中的榜樣：「雖然咁都整得爛好神奇，不過都不得不讚你願意負責任自首嘅態度，呢排睇睇到好多要考牌嘅父母」、「錯唔緊要，最緊要認，爸爸做了一個正確的示範，，要開始教阿囡，唔係次次都咁好彩」、「你做得好好通知機組人員處理。亦有網民指出乘客觸摸到的窗框及內層「窗戶」實為裝飾性組件，真正承壓的安全窗戶位於外層，事件不影響飛行安全：「其實都係普通組裝件，唔好太緊張。 」、「唔洗擔心飛機安全，呢個框同埋你摸到嘅窗，都只係裝飾」、「一個bb可以拉壞 證明佢本身就壞」