Anjaylia陳嘉寶沙灘著比堅尼大曬Fit爆身型 大膽剪短髮獲圈中好友讚好

陳嘉寶大膽剪短髮因工作需要

「條頸有啲涼浸浸唔係好慣，而家洗頭、吹頭都慳返唔少時間，仲慳返好多洗頭水同護髮素添！」Anjaylia表示，這次剪髮是因為工作需求，她一直期待能嘗試短髮造型。

「今次好開心係因為工作要我剪短頭髮，大家一路以嚟對我嘅印象都係長髮襯我，同埋做嘢會多變化啲，自己其實一直好想剪短，但留得咁辛苦，就冇乜原因同藉口，我一直等緊呢個機遇。聽到呢個工作之後第一句就係『正呀！我等到呢個機會嘞！』剪短之後真係好爽嘅，工作內容都好適合短髮。我好多年前都有剪短頭髮嘅經驗，當時每日瞓醒都好似飛碟咁飛起晒！今次髮型師畀好多信心我，用咗佢嘅方法，而家起身梳兩嚇就得，真係意外嘅驚喜。」

家庭反應與期待

在一次家庭旅行中，Anjaylia的短髮造型首次亮相給家人看，她的女兒對此感到驚訝。「我先生都戥我開心，覺得短髮都好適合我；但係小朋友見到就打咗個突，話鍾意我長頭髮，因為公主係長頭髮，搞笑嘅係，其中一個女問我做乜剪短呀？我答佢因為媽咪要做嘢，佢鬆一口氣就話『幾日啫！』小朋友嘅童真真係幾得意！希望新造型畀到我更多嘗試、變化同機會啦！」