有片｜女保安揈毛巾大戰瘋狂外賣員 粗口對罵後外賣仔舉V自拍惹狠批

女保安揈毛巾攻擊外賣員

近日有網民在Facebook群組「香港外賣及速遞平台綜合交流群」上傳影片，影片開頭見到女保安衝上前企圖揈毛巾攻擊對方並大聲說「我邊到得（你）影啊！」；期間，女保安多次憤怒地用毛巾打向鏡頭，試圖阻止拍攝，外賣員用粗口駁斥「我X你老母啊，唔X得影你！」，此時女保安要求對方登記姓名才可以上樓，怒喊「登記！登記！」，並厲聲要求外賣員不准再拍攝她，但外賣員一口拒絕要求「關你X事啊！」，只答允登記「登記囉！你老X，郁手郁腳報警添啊！不過我唔會報警嘥時間。」

外賣員露面自爆是「瘋狂外賣員」

其後，女保安拿出手機反拍外賣員，並用粗口怒罵對方，不過外賣員就不耐煩地駁斥：「登記啊，快啦！做嘢啊！你老XX叫你開門，喺度洗自己嘢！」，此時外賣員拿出證件交給女保安，女保安就邊舉機拍攝邊登記，期間聽到外賣員挑釁：「你真係唔好彩啊！遇著我瘋狂外賣員！」、「一齊入鏡先」，隨即他舉V字手勢與女保安自拍並大聲叫囂：「瘋狂外賣員！」，然後又繼續指罵女保安：「呢個阿姐真係慘囉，叫你開門喺到洗碗。」鏡頭一轉「瘋狂外賣員」打算拍下女保安的保安證，對方見狀立即收起證件，「瘋狂外賣員」又再出言挑釁：「你唔可以影我身份證，我就可以影你張證啦，你識X玩咩！」、「我收工先同你慢慢玩啊，知唔知道，阿姐！」，影片就此結束。

網民狠批：真係仆X外賣員

相關影片迅速引發熱烈討論，不少人鬧爆「瘋狂外賣員」周圍撩事鬥非，狠批：「垃圾，保安做野唔該合作啦」、「蝦啲老弱婦孺」、「蝦個女保安以為自己好威咁」、「何必咁玩法，你搞X串咗個p，後面送外賣嗰啲就福街啦」、「真係仆X外賣員」。

「瘋狂外賣員」自拍解釋事件來龍去脈

不過，事後「瘋狂外賣員」自拍解釋事件來龍去脈，他透露事發當日（5月4日）接到外賣訂單要送至觀塘翠屏邨，去到大廈閘門前見到該名女保安在洗碗碟，遂按門鈴要求開門，然而對方見他在大門口等開門後，仍然不為所動繼續在「洗自己嘢」。他解釋，當時未有催促對方，以為她「返埋位」後就會開門，但對方「埋位」後不但沒有即時開門，反而慢條斯理用手巾抺乾杯碗及枱面，再慢慢放入櫃筒後才開門給他。稍微感到不滿的她在等電梯時，向該名女保安員反映：「下次可唔可以做正經嘢，先做自己嘢。」，隨即觸動對方情緒而爆發衝突。

網民倒戈力撐「瘋狂外賣員」

不少人了解過事件的來龍去脈後，反而倒戈表示支持「瘋狂外賣員」，並留言指「今次我撐瘋狂外賣員啦」、「我覺得今次你都有道理」、「今次你啱」、「你做咗我唔敢做嘅事」；不過仍然有部分網民針對性地鬧爆「瘋狂外賣員」，狠批：「串XX係我就一定唔開門」、「外賣員之恥」、「外賣仔又搞人」、「照估計，應該兩位態度都差唔多」。