傷殘男坐關愛座被大媽迫讓座 要求做1事仲咁講惹全車人不滿

傷殘男被健全大媽迫讓座

有網民在Facebook群組「香港交通及突發事故報料區」發佈相關影片，樓主透露事發於上周六（12日）中午，當時他乘搭城巴970號正前往西隧口，1名年輕男子坐在關愛座上，期間被1名大媽出言辱罵。該名男子就表示自己是傷殘人士，然而該大媽大言不慚地要求對方傷殘證，引來同車乘客不滿。有位阿伯為男子抱不平，出聲斥責該名大媽，阿伯表示自己同樣是行動不便兼患有癌症，大媽自知理虧卻仍然不斷用「跛」及「受詛咒」去言語攻擊阿伯，樓主形容「其涼薄程度令人髮指」。片中見到，當時巴士較為擁擠，空位都幾乎站了人，甚至有乘客站在樓梯位置，事件中的男子已經下車，而樓主拍攝著大媽後面背部，期間可以聽到該名阿伯繼續斥責大媽：「後生仔都唔敢坐呢啲位」、「我上車都無位，後生仔讓咗畀我」，然而大媽否認自己罵人，「我無話佢坐呢個位唔啱，你係咪聾㗎？」，但阿伯強調聽到大媽指罵，而且「要（該名年輕男子）俾證你睇」，大媽就狡辯稱「我唔知佢跛，又無拎枴杖，我點知佢係咪跛」，影片就此結束。

網民狠批大媽：心是黑色的

對大媽行為表達不滿

不少網民睇片後怒斥大媽的言行舉止：「心是黑色的」、「這女不知所謂」、「不知所謂既大媽！開口埋口就話人 跛！無口德！祝你早日感受到跛」、「大媽唔係老奉讓座比妳㗎，妳行動自如仲要個傷殘讓座比妳，妳有無廉恥的？」、「睇唔到有拐杖…我都睇唔到你個心，原來咁黑」。

狠批大媽要求對方出示傷殘證

另外亦有部份網民批評大媽要求對方出示傷殘證的行為：「點解有權要睇人張證？」、「讓是人情，不讓是道理」、「憑咩問人拎証睇？根本唔需要証明」、「關愛座係俾有需要嘅人坐，唔舒服或攰都已經可以坐喇」