首爾Cafe 2025推介｜5大爆紅Bagel／薄荷朱古力主題／180度俯視首爾美景
首爾咖啡店5大推介｜Mint Choco主題／180’俯視首爾美景／傳統四合院式韓屋Café！
首爾咖啡店｜1. London Bagel Museum Anguk
講到首爾人氣咖啡店又點可以唔提London Bagel Museum Anguk，餐廳主打手工貝果，口味款式多不勝數任君選擇～推薦大家一定要試春蔥椒鹽包（Spring Onion Pretzel Bagel），使用椒鹽貝果打底，夾入滿滿新鮮春蔥同濃郁奶油芝士內餡，味道非常獨特！而由於是人龍店，大家一定要做好心理準備要等候，可在網上先預約或到現場登記！
由於人流眾多，特別係早上時段等候時間可能較長。建議使用韓國本地嘅預約應用程式「Catch Table」Online排隊以節省等候時間。
首爾咖啡店｜2. T(ER)T(RE) Café
位於首爾鍾路區昌信洞嘅「T(ER)T(RE) Café」，係一間四層高嘅咖啡廳，由地下至四樓嘅設計，每層都有不同嘅視野同氛圍，係頂樓露台更可360度欣賞到首爾塔、中路區及東大門區嘅美景～特別推介係黃昏時分到訪，可以一次過感受曬白天、日落同夜晚嘅不同景色，係同摯愛或三五知己暢談傾計嘅理想之選！
由於咖啡廳位置較高，建議搭乘計程車前往以減輕負擔。同時黃昏時段人流較多，建議提前預訂以獲得更佳嘅用餐體驗。
星期六至日：13:00 - 22:30
首爾咖啡店｜3. MintChoco World
Mint Choco World係位於首爾弘大地區嘅一間薄荷朱古力主題咖啡廳，深受年輕人同甜品愛好者嘅喜愛～裝潢以清新嘅薄荷綠為主調，營造出夢幻般嘅氛圍。提供各式各樣以薄荷朱古力為主題嘅甜品同飲品，例如：薄荷朱古力蛋糕、牛角包同新地奶昔等，務求用薄荷朱古力全方位衝擊你嘅味蕾呀。
首爾咖啡店｜4. Café Onion Anguk
Café Onion Anguk位於景福宮附近，融合傳統韓屋元素同現代設計，營造出獨特嘅歷史氛圍。一入到咖啡廳首先映入眼簾係四合院式嘅庭院，落地玻璃設計令陽光可以灑進每個角落！一邊係咖啡吧台同麵包展示區，另一邊係傳統韓屋座位區，而且亦設有木桌同矮凳，方便唔習慣盤腿坐嘅客人。
呢度嘅招牌麵包Pandoro外型似小雪山，表面撒上細白糖粉，入口鬆軟綿密，帶嚟多層次嘅口感，深受客人喜愛。其他人氣選擇仲包括紅豆奶油菠蘿同草莓奶油塔，除咗賣相吸引之外，味道都各有特色～
星期六至日：09:00 – 22:00（最後點餐時間 21:30）
首爾咖啡店｜5. Dotori Garden
Dotori Garden位於鍾路區安國站附近，店內嘅裝修以原木、紅磚頭同攀藤植物為重心營造出安心舒適同溫馨日常嘅氛圍～整體感覺充滿吉卜力風格，非常推薦宮崎駿電影迷嘅粉絲嚟打卡影相！
餐廰有提供多款以精緻可愛嘅甜品例如：橡實造型嘅夾心麵包、可麗露…其中一個招牌必吃菜式自家製希臘乳酪碗，每一碗都會由店員即時製作～配上新鮮水果、脆脆堅果穀物及原塊蜂巢蜜，多層次嘅口感同埋酸酸甜甜嘅味道令人一食就上癮！
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
