港女狠批放題店唔識自己上蛋糕　反被網民圍插：食放題唔主動出聲？

港女食客　怒斥放題店不主動上蛋糕

該食客在Facebook群組「香港茶餐廳及美食關注組」分享自己的遭遇，她指自己在人氣放題餐廳用餐，由於剛好有家人生日，在預訂時餐廳表示會送蛋糕。他們從晚上六點半用餐至八點半，然而，到了八點半時，蛋糕仍未送上，顧客因此詢問服務員。服務員的態度「又惡又西」，「你要同我地講架喎，要叫起㗎喎。」，事主感到不滿，指出「無諗過個蛋糕要叫起，因為book枱個時佢淨係話會送蛋糕，無講過到時要叫起，又見佢入坐時都有mark低蛋糕x1」

狠批侍應態度差：「係咁咦咦哦哦」

事主繼續分享事情發展，並狠批侍應的態度，指他們「即刻叫咗佢起之後一路都無嚟，再催，另一個姐姐同我講：你夠鐘架啦喎，唔知起唔起比你。」，最後「好悔氣咁喺搭9（我地要走）個陣先起到個蛋糕」，期間更一直「畀說話」事主聽，「一邊X話我地阻住佢，一邊喺蛋糕旁邊執枱」、「係咁咦咦哦哦話清曬張枱」、「我地已經不停同佢講對唔住，辛苦曬，佢都仲要不停um」，認為侍應的做法非常掃興，怒斥「真係癲㗎喎！」

網民恥笑：食放題唔主動出聲？

然而，一眾網民卻不支持事主，反指問題在她身上。

• 「食放題唔主動出聲唔通要人地mon住你幾時要咩？」
• 「咁你要果陣叫佢拎係合理架喎，人地唔會知你想幾時食蛋糕」
• 「我以為蛋糕要自己叫起係基本添。」
• 「……甜品唔叫起菜，點知你幾時食，仲要放題」

不過，也有部分網民認為事主沒有錯，是服務員的問題。「我以前做侍應，寫定張紙響櫃頭，幾點要出蛋榚，出遲咗人哋唔走係自己衰，而家居然唔問唔出係無問題？奴性真係變到咁？比錢要受罪？無服務？係我落後咗？定係而家啲人無要求？但係好多社評又話香港人好厭尖喎？」、「然知佢有蛋榚要出，明知佢又就夠鐘，點解唔問起得未？乜嘢叫服務？無服務收加一服務費係咪啱？」，雙方的討論熱烈。

（圖片來源：官網圖片）