食客控訴$400黑毛和牛火鍋放題劏客　和牛似赤身勁失望　網民持相反意見

Jul 3 2024

不少港人都覺得香港的餐廳質素愈來愈差，就算想留在港消費，也會被不合理的收費、不成正比的質素和惡劣的態度勸退。近日，有食客在Facebook討論區「香港茶餐廳及美食關注組」中，分享食火鍋放題的不快經歷，更直指「咁落去飲食業都係死路」，引起網民熱議。

$400日本黑毛和牛火鍋　實物上枱勁失望

事主在火鍋店用餐，HK$400 的日本黑毛和牛火鍋放題卻令他非常失望，他形容自己想支持一下香港餐廳，卻非常失望。「唉，對香港係有感情，有時想留港幫手消費，但真係唔知點幫。」，直斥香港餐廳質素太差「啲食店可唔可以正常啲，400蚊位話日本黑毛和牛，其實400蚊位要求都唔會有咩期望，但可唔可以唔好差咁遠……真係叫咗都食唔落。諗咗好耐出唔出po，好像唱衰香港飲食業咁，但我相信出唔出，咁落去飲食業都係死路，真係好想佢哋爭氣」。

和牛（圖片來源：FB@香港茶餐廳及美食關注組） — （圖片來源：FB@香港茶餐廳及美食關注組）

網民留言：香港係搵笨之都

不少網民也在討論中發表了自己的看法和經歷，有部分網民直指香港餐廳質素向來差，不應有期待。

「其實香港係搵笨之都，你要慣」
「香港食市其實好多係自己整死自己，尋晚食XXX火鍋放題，鱔片點3來1，點2又係來1，做放題又唔捨得比客食」
「香港太多害羣之馬，整死成個行業」
「我上次去觀塘情況同你一樣，都係叫最貴嗰個餐，食和牛，但係同隔籬嗰台完全冇分別，除咗隻碟，於是我特登叫平啲嗰隻同埋貴嗰隻各一碟結果都係任何一樣」
「隻牛瘦過非洲兒童」

部分網民持相反意見：$400 你仲想點？

不過，也有不少網民持相反意見，認為事主對和牛的理解出錯，不一定有油脂才是和牛。「咁問題係邊，定你以為自己食緊A4A5？」、「一啲油花都無，A5係和牛極品，如果依個係A1Grade都係算和牛唔算呃，真和牛250克都成3百蚊，4百任食？自己想想係咩和牛，澳洲？中國？美國？」、「其實除左去日本超市買A5牛最平外，其他地方食都唔平架啦」、「其實只有A3-A5 先油花多，你嗰可能係大腿肉係咁瘦」，指出問題可能不在店家，也有網民指出自己前一段日子食過沒有問題，「會唔會侍應畀錯牛？」，可能只是店家給錯。