10人流浮山食海鮮午餐HK$5,000大讚抵食　網民意見兩極起罵戰

10人份海鮮午餐HK$5,000　大讚抵食

事主在流浮山一行10人食了 HK$5,000的午餐，當中的海鮮非常豐富：蟶子皇兩斤配豉椒炒煎米粉、30隻豉油王蝦、10個蒜蓉粉絲蒸大扇貝、10隻椒鹽鮑魚、5隻西澳龍蝦仔開邊上湯、2斤龍躉肉厚切炒球、一隻4斤半的長腳蟹、一隻炸子雞及海鮮湯，事主大讚抵食。

部分網民恥笑水魚：食到一圍酒席啦！

網民對這頓海鮮午餐的看法分歧。有部分網民恥笑他為水魚「五千可以食到一圍酒席啦，抵食什麼呢？」、「平心而論，5000銀食呢啲又唔算話貴嘅，但亦稱唔上抵食囉，正常價囉」、「水魚餐食唔起。」

雙方起罵戰　網民力撐：真係好抵！

另一班網民則力撐事主直指好抵食，雙方更因而掀起罵戰！網民直指「依家啲香港人淨係鐘意番大陸食，你同佢地講五仟大洋一圍佢你會話你唔值。我個人覺得值得」、「其實真係抵嘅，又唔使自己煮，又燈油火蠟，都要俾人賺嘅。」針對 HK$5,000 可以食到酒席的言論，網民更不滿「五千酒席大部份食雪藏嘢，而家講緊係食海鮮。」、「酒席點同海鮮比？去麥當勞可開生日會5千都唔洗，可能2-30人都得」，雙方討論熱烈。