貪平買HK$20/4個牛油果一切開大失所望　網民反恥笑：呢個價錢執到啦！

貪平買 HK$20/4 個牛油果　一切開大失望

事主早前在生果店買了一份HK$20的牛油果，然而一切開後，發現果肉佈滿了黑色的條紋，顏色也偏灰，而肉質明顯也太淋，相信是過熟了。事主事後向店家投訴，店家的態度同樣非常惡劣，叫事主「睇吓價錢買嘢，牛油果都食得」，指店家「仲好惡」，坦言「以後都唔會幫襯佢！」

網民恥笑：貪平仲放上網

網民看到事主的遭遇後卻沒有同情他，反而是恥笑他貪平出事，直指「$20四個咁平，你都預咗係有啲問題㗎啦」，也有網民分享平時買牛油果都不止這個價「「惠康不時有$11/3隻特價，鳳凰村日新$30/4隻大或$40/4隻大，你買呢檔我睇價錢已經唔會幫襯」。

• 「20蚊4個真係衰硬，唔洗勞氣」
• 「$20 四個咁大個，一定有啲嘢」
• 「$20/4個真係要自己衡量，唔好貪平。」
• 「其實你呢四個都唔算好爛！認真，20蚊四個，呢個價錢，其實佢都唔可以話叫呃你！如果呢隻size，正常都要十蚊隻」

熱心網民提醒：其實都仲食得！

不過，也有不少熱心網民分享，指事主的牛油果應該是可以食的。「最上面果隻望落剛剛好，應該可以食」，亦有網民指出雖然賣相有點差，但沒有變壞「牛油果嚟講，試過買返去擺雪櫃太耐就會變成咁，仲係硬身但開始變色，現在都係直接買接近啡色的，一兩日內食，反而冇咁伏」、「真心，四隻都食得，剛熟易入口，食用的最佳時間 。要切開靚靚冇紋，就係又生又硬的，食唔入口㗎 。」，更質疑事主「其實你食過牛油果未？」