深圳福田井格重慶火鍋！重慶直送牛油鍋底＋超可愛熊貓冰粉

深圳福田井格重慶火鍋！重慶直送牛油鍋底＋超可愛熊貓冰粉

內地火鍋界競爭咁激烈情況下，井格重慶火鍋開店18年屹立不倒，一直深受食客歡迎，亦曾榮獲「中國十大火鍋品牌」等獎項，而家全國門店己經有超過100間。麻辣控嘅你絕對不可不試呀～

井格重慶火鍋｜傳統中式風格裝修

井格重慶火鍋嘅店內裝修行中式風路線，周圍都可以見到壁畫、屏風、竹燈籠、木凳等傳統中國風元素，而且用餐氛圍溫馨舒適，啱晒約埋朋友或一家大細嚟食飯兼放鬆傾偈！

井格重慶火鍋｜重慶直送鍋底

井格重慶火鍋採用特製嘅九宮格鍋，按不同加熱溫度及牛油濃度，將火鍋分為三個層次，方便客人自已以食材的味道及口感選擇不同格仔烹調！

而且餐廳最大賣點為由重慶自營工廠直送到店嘅一次性牛油鍋底，精選咗20多種川渝香料：重慶石柱紅、茂縣花椒、郫縣豆瓣等，可以話係地地道道嘅重慶味道呀～

井格重慶火鍋｜特式火鍋食材

甄選穀飼牛板腱

厚厚嘅手切牛板腱肉質有咬口帶彈性之餘肉味濃郁鮮甜，配上麻辣湯底簡直回味無窮。

井格明星三拼

一款菜式有齊三種美味：鮮鴨腸、脆毛肚同黃喉，每款都脆嫩爽口而且可以索滿湯汁超入味呀！

鮮椒雙拼嫩牛肉

嫩牛肉一邊鋪上即叫即剁嘅小米辣椒，另一邊則填滿綠色芥末醬，雙重刺激味蕾，啱晒無辣不歡嘅朋友嚟挑戰。

手工黑松露蝦滑

製作過程堅持唔用機器而係純手工咁將蝦剁成泥狀，除咗爽口彈牙之外亦保留咗粒粒嘅蝦肉口感，再加上超足料嘅黑松露醬，菌香十足，味道層次更加豐富。

拔罐牛肉

罐子內裝滿鮮奶，拎起之後充份浸泡牛奶三分鐘，特別醃製過嘅牛肉肉質超級嫩滑之餘仲有淡淡奶香！

井格重慶火鍋｜超打卡able可愛甜品

餐廳除咗火鍋之外、甜品無論樣貌定味道都別出心裁好有驚喜～熊貓冰粉同兩款蘑菇慕斯外型可愛，味道亦甜而不膩，唔使驚食完飯之後太heavy食唔落！

井格重慶火鍋｜詳情