港女學神考車牌當日慘被師傅甩底無車用！事後更攞景贈興＋一句超無情回覆

港女學神考牌日慘被師傅甩底無車用！

港女學神在Facebook群組「學車學神交流集中營」發帖，表示自己因為師傅的自私決定，導致考車失敗收場！她稱在考車幾星期前，師傅告知她有另一位學生在她考試時間前50分鐘，需要借用車輛在另一個地方考試，但答應她會準時到達其試場。當下港女便直問「真係夠時間比車我咩，咁樣搞到我又冇得考前練，又好緊張」，但對方實牙實齒地表示趕得切，港女亦只好「順攤」地接受。

到考試當日，港女因為沒有車可以練習，只好提早到達試場附近「自己行個圈睇睇路面情況，一邊等師傅車到」，當考車時間僅剩20分鐘時，師傅才致電她稱正前往試場，又說「會剛剛好準時到」，港女直言「大佬我又未較位，要早15分鐘報到，師傅未到我冇得報到，已經揗晒雞」。但到了考車時間只剩10分鐘時，對方卻稱「正在塞車會遲到」，港女便緊張地入去問報到處，對方回答只可以遲10分鐘，否則不能考試需要重新排期。

直到考試時間到達，師傅都表示「仲塞喺同樣位置」，迫於無奈的她只好向旁邊剛考完試的師傅，可否借車給她考試，因為「唯有博一博，肥左可以排快期，臨時駕駛執照都未過期，好過練咗咁耐冇得考」。最終她比原定考試時間遲了10分鐘開考，惟新車的設備不同，比如手掣由手拉式變電子式、指揮燈左右調轉、車輛尺寸不同，加上未有摸熟車輛就直接開始，即使盡量鎮定最終也是失敗收場。

師傅事後更攞景贈興＋一句超無情回覆激嬲網民

在考試結束派放成績後，她師傅只是在旁邊講唔好意思，而最令她感到攞景贈興的是，早她50分鐘借車的Retake考生也在場，更向她說「Retake我有經驗」，令她心裡十分不爽，但是已經「唔開心到完全冇心情去發火」。港女也稱同場的不論考官、其他教車師傅、報到處公務員也大鬧其師傅無責任心，直言是「第一次見考車冇車用」，行為極之過份，她也大嘆本來對考試抱有信心，沒想到以這樣的方式收場。

港女嬲到震

港女指當日遲到的師傅代付了「一堂錢和租車費比借車比我的師傅」，當日也稱retake借車不收她租車費作為補償，但翌日又向她發送短訊反口，表示「因為佢幫我交咗租車費另一個師傅，所以retake租車費都係要照比」。這一句超無情回覆再度燃起港女的怒火，明言「其實真係嬲到震，我ready左咁耐，渣得幾有信心，你話我最尾自己問題肥都算，我連出力的機會都冇，因為我連車都冇。但好無奈係我bf過多幾日要考車，同一個師傅，點反到面？二來自己揾的師傅，都吾知可以向邊到投訴」，也作出了該位師傅的部份提示，讓各位學神自己小心。

網民對她的遭遇感到無比憤怒，一起怒批她的教車師傅不負責任，「開名啦 反正你都唔會再搵佢上堂」、「佢仲好意思retake再收你租車費？依家教車可以咁厚面皮架？」、「比租車費？架車係邊呀！佢都冇比車你。唔叫佢賠償損失都已經偷笑」、「隔住個mon都好明白，比著我已開火，開名唔好害下一個」，同時建議她向運輸署投訴檢討其教車資格，否則與放生其不負責任行為無誤。