港人呻「30歲搵唔夠2萬」被當垃圾 怕做餐飲、服務業遭睇唔起：可以點
廣告
三十而立，人去到三十歲，大家都認為可以更上一層樓。近日有網民在討論區上，詢問網民們「接唔接受到自己三十歲仲做緊賣衫、餐飲、保安個啲」，認為30歲只得萬幾蚊一個月，難以對人生交待。
30歲月入不過2萬元被當垃圾：我好介意人點睇我
有網民在網上討論區分享帖文，以「接唔接受到自己30歲人仲打份垃圾工」為題，指30歲依然做賣衫、餐飲、保安，每日辛辛苦苦，一個月都得搵萬幾蚊一個月，更與其他人比較，認為不知道別人怎樣看自己。
餐飲、服務業是垃圾工？打工仔：唔知人地點諗我
有部分網民認同樓主的看法，覺得30歲打份垃圾工，確實非常難堪，而且都不明白為何還要堅持，更大指將來都會在金錢上都沒有保障。「好似u記咁，啲人點解要浪費青春搵萬7蚊日日摺衫」、「最大鑊仲要係你做呢啲工係人人都取代到，再老啲就比人兜出黎」、「每番一日就浪費緊一日人生」、「已經接受咗自己其實係垃圾」。
自食其力已足夠！網民：咪又係工一份
但仍有部分網民覺得只要自己開心就已經足夠，而且不用與人比較，毋須在乎別人的眼光，甚至覺得在外國做「垃圾工」，都可以找到很多錢，只是香港較難生存。「番呢啲工移民最開心，去到外國又係做呢啲，仲可以住大屋揸車周圍去」、「咪又係工一份，自己覺得夠洗咪算，理得人咁多」、「自食其力打份正當工有咩問題」。
圖片來源：《飯戲攻心》劇照、《阿媽有咗第二個》劇照、《便利店新星》劇照、IG@deniskwok193
