嚴選香港13大地獄停車場　一泊難忘再泊投降：港島區最嚴重

網民嚴選香港10大地獄停車場

1西環均益

「均益唔敢挑戰，嗰度啲位係要撞人哋啲車先至拍得到入去」、「最難頂係d小便味，我以為泊咗入坑渠」、「入過一次，發掂誓博抄牌都唔泊入去」、「均益真係唔講得笑，第一次入去泊完出嚟真係一額汗」、「D位Kam到，老手10手軚都搞唔掂」。

2灣仔愛群商業中心

「車位窄，上落樓彎位好多師兄簽咗名」、「揸部細車都試過差啲落唔到車，好在車夠短，泊入啲避開條柱」。

3柴灣漁灣邨停車場

「呢個場都親身體驗過！闊擔d既車真係唔好去」、「漁灣村，人生其中一個即時會感到後悔既事」

4 大埔超級城

每逢假日都要起碼上到7層才能找到車位， 轉到頭暈之餘，上落彎心位窄仲要避對頭車，遇到直衝的對頭車仲要慢駛邊用眼角找車位，不少人認為如果沒有落雨不如「泊樓下的戶外石仔路停車場」。

5. 九龍灣得寶花園

停車場入面的光線不足，時租只可以泊一樓，而且離開時出口前有一小斜接駁位，需左轉， 如靠右，車邊底部會刮到斜壆，如靠左， 左車身很有機會會挖到牆身。

6. 沙田中心

時租來說是同區比較便宜的，停車場內部比較舊，車位很窄，泊好車後沒有足夠空間下車，所以場內可見很多中間位沒有車。

7. 銅鑼灣皇室堡

星期五、六、日及公眾假期$50/ hr貴價之餘，場內因為天花較低，SUV 等車輛開車尾箱時容易因為碰撞而揩花，而且出入口斜路對棍波車來說也是一場挑戰。

8. 長沙灣億京廣場2期

令網民「印象深刻」，雖然泊車位闊，但無論上落鈄位灣急路窄，車身太容易碰到牆壁，轉彎前要深呼吸做足心理準備。

9. 大圍富嘉花園

「大車/初哥唔建議入」，每個轉彎都考驗車手技術，長少少的車都要退後攞位，有網民表示「寧願博抄牌都唔會再入呢個場」！

10. 西貢政府合署

只有在星期六、日開放公眾時租泊車，出入口傾斜道亦頗高，須小心溜後或衝前，加上車位窄，7人車並排連開趟門都有困難。

11. 秀茂坪邨（三期）停車場

多人熱烈提議的秀茂坪邨多層停車場，超窄彎位如果車裝有感應器出入上落會長響，「 渣到腳都軟埋」，有車主更留下長長一條花痕，超肉赤！

12. 廣源邨停車場

遠近馳名的「90度簽名位」，入一次好易就放低裙腳、軨或者門，「上落通道簡直係落地獄」，「窄到無朋友」。

13. 家樂坊（未裝修前）

旺角人多車多，家樂坊停車場地點方便，但有網民試過因為前面有大車塞住，入閳後23分鐘後才上到頂樓吉車位，走時又因為有大車泊於彎心細車位， 凸出車頭阻塞困難重重，泊一個鐘但要畀2個鐘錢！

資料連結：按此