網民列7大存在感最低港鐵站！西灣河站因一事被當透明 會展站都有份？

網民列出7大存在感最低的「港鐵站」

1. 西灣河

最近有住在西灣河網民發現身邊朋友都不知道西灣河的位置。更指「每次啱啱識新朋友，同佢講我住西灣河，然後佢個樣就會出現:「唔知係邊」的表情。樓主表示不解，認為即使自己住西灣河，新界一樣都去過，例如是天水圍濕地公園，甚至是上水。力指西灣河明明都是港島地鐵站其中一站，不會是存在感低吧？

帖文一出，引來不少網民兩極化的討論。當中更有網民以為，西灣河根本沒有特別的地標，有人就以為西灣河是在小西灣旁邊。「西灣河同小西灣啲人分唔到㗎」、「港鐵站佢哋識炮台山、北角、太古，跟著講柴灣，直接skip」。

有網民亦指：「每次都淨係識問太安樓係咪好多嘢食，太安樓就識去但唔知西灣河喺邊」，又會問：「太安樓係咪好多野食？」

2. 大窩口

除了西灣河之外，網民指，大窩口非工業區，上班人流又少，存在感可算是荃灣線中最低的一個。

3.石硤尾

石硤尾存在感亦非常低，會去都是因為石硤尾的JCCAC 賽馬會創意藝術中心有市集或者有活動。

4.葵興

以荃灣線而言，很多人都會把「葵興站」當作「葵芳站」，甚至以為有「葵涌站」，所以葵興站存在低應是相對地低。

5.顯徑

有網民指出就連港鐵自己都忘了顯徑站，「試過佢畫啲故障路線圖畫漏咗顯徑」、「存在感低到港鐵有時都唔記得咗自己有呢個站」。有網民表示每次搭屯馬線都以為大圍下一站就是鑽石山，直到聽到廣播才發現是顯徑站，差點出錯站。另有網民指多了顯徑站便令到車程長了，更直言指想顯徑站消失，「九龍東入東鐵沿線，九龍塘轉東鐵淨車程只係比鑽石山轉屯馬慢2-3分鐘，計埋鑽石山大圍等車轉車行路根本冇分別甚至仲慢，如果顯徑站消失咗咁搭屯馬一定快啲」。

6.馬場

馬場站只在該處舉行賽馬時或有大型活動舉行才開放，去的人多數都是馬迷，因此對一般港人來說存在站不高。

7. 會展

網民點出會展站都相當值得入圍，「諗住金鐘轉車，成日以為過完海到，點知會展落咗車」、「夾硬沙中綫過海去開金鐘唔蝕底加多個站，去會展睇野大嗱嗱睇幾個鐘，好大機會去之前/打後返灣仔食嘢」