集運教學懶人包｜7大網購必用集運平合推介 一文即睇邊間最平最快 運費最低$1磅！4部完成集運

7大網購必用集運平合推介 運費最平$1磅！

【注意事項：疫情期間，各平台運送時間有機會延長，部份自取點營業時間有變或暫停開放，詳情可參閱各個官方網站】

最近疫情加劇，大家有街都無得行，海外網購嘅機會就大大提加。今次記者幫大家精選咗7大人氣平台，由運費至到空運時間都逐一整合，本文主要會以熱門網購國家作為基本參考，包括台灣、日本、韓國、美國及英國，運費最平$1磅，即睇推介！

1.Buyandship 性價比最高

好處：劃一實重收費、合併郵件服務、遺失及破損保障
不足：無住宅派送服務

集運平台「Buyandship」採用劃一實重收費，任何國家嘅貨物都係以同一價錢計算方法，自取點設超過400個，更提供有合併郵件服務，可以一次過集合多個國家嘅貨物，慳返唔少運費！記者覺得最抵讚係平台有提供基本遺失及破損保障，每件貨品最高可以賠償港幣約$7000！

官方網站：按此

2. Dimbuy 自取點最多

好處：自提點部份24小時開放
不足：運費偏貴、自提點逾期貨件收費較高

「Dimbuy」提供日、台、美及英海外轉運服務，有超過1500個自取點，部份更24小時開放，適合平時放工時間較晏嘅人！而價錢方面雖然同其他平台相約，但就以半斤作為計算單位，價錢相對上較貴，而自提點逾期貨件收費需要$20日，金額為所有平台中最高。

＊疫情最新安排：貨物將會改由經海路到港並再安排派送，服務上或受延誤

官方網站：按此

3. SHIPBAO上門運費平

好處：上門派送平
不足：到貨時間不穩定

好多時候集運最怕要自行取貨，嘥時間又嘥人力，「SHIPBAO」首10磅送上門最平加$30，可以為咁多位「慳妹」慳返唔少運費，所以平台一向Black Friday時都非常受歡迎，但到貨時間就較唔穩定，如果追求快嘅話就未必最佳。

官方網站：按此

4. BUYUP 自提點暫存期最長

好處：工商SHIPBAO及住宅區劃一運費、自提點免費暫存期最長
不足：工商派送較貴

「BUYUP」工商業區及非工商業區派送嘅費用都係一樣，唔洗左度右度送上門點先慳到最多錢，而相比起其他平台嘅官方自提站，BUYUP官方自提點免費暫存期最耐，長達15日，啱晒平時唔想趕頭趕命去拎貨嘅朋友！

＊疫情最新安排：大部份貨物都改發海運，大約需時4-7個工作天到港

官方網站：按此

5. 4PX 運費平均最抵

好處：上門派送平
不足：首重最少2磅、台灣空運時間長

「4PX」首重以最少2磅計算，但除返開收費屬中低價位，住宅區派送都只係另加$20。若然以台灣做例子，重量除返開1磅送到住宅區都只係$48！但值得一提係台灣空運需時5-11個工作天，比起歐美國家更加耐，想台灣寄急件就唔適合。

官方網站：按此

編輯評分

• 價錢：
• 速度：
• 總性價比：

6.GOBUYSHIP 上門首重最平

好處：運費平
不足：派送首重最少8磅

「GOBUYSHIP」上門派送服務價錢較平，住宅區最低$22磅起，不過要留意係首重至少要達8磅，住宅及非工商地區更要15磅，買得唔夠呢個重量但又想送上門嘅朋友就未必適合。

官方網站：按此

7.樂郵 上門運費平

好處：上門運費最平
不足：派送計算方式繁複

「樂郵」各個集運國家價錢相約，美國及英國只需$22-24磅，價錢比其他平台便宜，而上門派送續重價錢最低$1磅，購入大型貨物都唔怕要比天價運費！但送上住宅附加費上就較多細則，不同磅數都會影響首重及續重價錢，需要花更多時間去計算清楚。

官方網站：按此

超簡單國際集運4部曲

有些人聽到海外轉運／美國集運便感到頭痛，想嘗試海外網購又覺得十分複雜，但其實不然。就算是不同轉運公司，只要先了解以下超簡單的4個國際轉運步驟，便可以上手：

1. 在集運網站註冊成為會員，以獲取海外倉庫地址。
2. 網購時在收貨地址一欄填上海外倉庫地址。
3. 商品發貨後登入集運網站，填寫快遞追踪號碼。
4. 所有商品到達倉庫之後，選擇轉運及收貨方式。