上淘寶買麻雀 打牌時發現多咗一隻「西」！有經驗網民：中伏啦 一定仲少咗隻牌！ ︳網絡熱話
廣告
相信不少港人都會上淘寶買雜物，有名網民分享最近於淘寶買了一副麻雀，於新年期間同親友打牌娛樂，但竟然打打吓先發現呢副麻雀有異樣，竟然有5隻西！他隨即把是次經歷放上網同大家分享，令一眾網民笑爆咀！更有人分享類似經驗，打咗一隻牌，有機會另一隻牌得3隻，叫事主數清楚！
港人淘寶麻雀中伏
（圖片來源：電影《嚦咕嚦咕新年財》截圖）
該名港人在 Facebook 群組「淘寶開心share」發圖文分享中伏經歷，指自己早前在淘寶購入一副旅行麻雀套裝，打算在食飯後與親友們打牌耍樂，怎料在打得起勁之時，突然發現原來此副麻雀裡有古怪，「打到唔知幾圏，發現佢有5隻西。」。
（圖片來源：電影《嚦咕嚦咕新年財》截圖）
冇人開摃根本不會留意
爆笑事件令全部人哭笑不得，事主則補充，由於副麻雀只是家人之間用來打發時間，並不計錢，故此打了很多個圈才發現有問題，「冇人摃，唔打錢，根本冇留意」。而經眾人點算後，發現全副牌數目正常，多出來的「西」是取代了少一隻南風牌，只好自行用箱頭筆將「第5隻西」改為「南」。
（圖片來源：電影《嚦咕嚦咕新年財》截圖）
（圖片來源：電影《大三元》截圖）
網上多名「苦主」現身說法
其實淘寶中伏之事時有發生，有網民也分享類似情況，指其網上購買的麻雀有5隻「八萬」，甚至開槓後收完錢才發現有第5隻，簡直是「蠱惑麻雀」；除了網上購買容易中伏外，原來也有人在雜貨舖買到「蠱惑麻雀」，發現有5條「底褲」（三索），幸好可以直接更換。
（圖片來源：Facebook@淘寶開心share截圖）
（圖片來源：Facebook@ hklaughpic截圖）
網民：新年驚喜好意頭
帖文一出即在網上引起熱議，紛紛留言笑稱此副麻雀是「出千恩物」，又指「十三么畀人槓斷仲有得自摸」。有網友揶揄對方是良心賣家，應該給予五星好評，建議事主可以留言與多隻「南」的買家相認。也有網友指「好意頭，新年有驚喜」，非常搞笑。
原文刊於：GOTRIP
撰文：GOTRIP圖片來源：Facebook@淘寶開心share截圖、Facebook@ hklaughpic截圖、電影《大三元》截圖、電影《嚦咕嚦咕新年財》截圖
