一句激嬲處女座！完美主義＋尖酸刻薄＋好硬頸＋堅持無謂小事
新假期編輯推薦：星座運勢2020！超準12星座排行榜 射手天蠍遇幸福愛情（附星座幸運色/數字）｜12星座
2019轉眼間就結束，不如一齊睇睇2020年各星座運勢啦，希望在明天呀嘛！據占卜師的預言，射手座、天蠍座、巨蟹座及處女座要注意啦，因為大家今年有可能遇到真愛！以下只是綜合運勢排行，排名越前面的成功機會越大，但壓力也相對大，排名後面的不見得就代表差，不需太擔心，無論你係男人定女人，主動就有機會！
詳情請看
正直善良又尖酸刻薄？ 一句話激嬲處女座
生於8月23-9月22日的處女座，常被台灣人形容為「龜毛」，即係對某啲小事有莫名其妙嘅堅持，好聽啲講可以話係「完美主義」，連林家謙都識唱「嫌的比愛的多 推比要的多 孤單一個 是這潔癖惹禍」、「情願似白羊 似摩羯座 無謂纖細又 糾結像我」「挑剔的結局 人間有人 還挑剔過我」，可見處女座挑剔的性格。
處女座性格特質逐個數
有 Facebook 專頁就問大家「一人一句形容處女座」，意想不到收到超過過萬回應之餘，有啲形容更獲得不少人一致認同，你又同唔同意處女座有以下性格呢？
1. 超長氣、要人跟住佢做
一旦處女座有自已嘅想法，一定會迫周圍嘅人跟住佢做，如果唔係就會一直煩你煩到你跟佢個套為止！
2. 講大話合理化
超過4千人認同嘅特質，講大話之餘仲搵理由幫自己合理化。網友就為呢個特質再加以說明，就係話「你係咁做，所以我都咁做囉」，又或者經常雙重標準，錯嘅一定係人哋！不過都有網民為處女座平反，話呢個係個人特質問題，人人都會講大話吧。
3. 唔聽人講
由於處女座太有自己諗法，基本上你想同佢傾下點樣搵個中間點，佢都係唔會聽你講，「溝通完等於無溝通」，令人非常頭痛。
4. 有責任感
處女座其實都有唔少優點，雖然佢哋有時好煩，但只因佢哋非常有責任感，做事非常上心又仔細，所以一般處女座嘅同事做嘢都非常完美（上司唔計）。
5. 好勝
好勝有好有唔好，但有時處女座又會太硬頸令人覺得好麻煩，又係都要講到自己一定啱，放低少少自尊反而更容易同朋友相處（都容易啲出 POOL）！
6. 默默做事不求回報
處女座其實會默默為大家做唔同嘅事，但又唔要求回報，就算自己受傷都唔會講出口，不過網民就話呢個講法只適用於男人⋯⋯
